ఉత్తుత్తి సీజింగ్..

సీజ్ చేసినా.. పాఠశాలలు కొనసాగడం వెనుక ఆంతర్యమేంటి..?

• అనుమతులు లేని పాఠశాలల సంగతేంటి.?

• ప్రైవేటు స్కూల్కు అవినీతి అధికారుల అండ..

• కమర్షియల్ భవనాలల్లో కొనసాగుతున్న తరగతులు..

• ఏళ్ల తరబడి పాఠశాలలు నిబంధనలు ఉల్లంఘన

• కాకతీయ, కృష్ణవేణి గ్రూప్ ఆఫ్ ఇన్స్టిట్యూషన్స్ లార్డ్ స్కూల్ పరిస్థితేంటి?

• జరిమానాలు వెయ్యకుండా కాలయాపనలు ఎందుకు.?

• ప్రైవేట్ పాఠశాలలను మానిటరింగ్ చేయని అధికారులు.?

• ప్రభుత్వ ఆదాయానికి గండికొడుతున్న అవినీతి అధికారులపై కఠిన చర్యలు తీసుకోవాలని మాసారం ప్రేమకుమార్ డిమాండ్

హైదరాబాద్ 01, అక్టోబర్ (ఆదాబ్ హైదరాబాద్): 'చదువు రాక ముందు కాకరకాయ... చదువు వచ్చాక కీకరకాయ' అన్నట్టు తయారైంది రాష్ట్రంలో విద్యా వ్యవస్థ పరిస్థితి. విద్యాశాఖ అనుమతి లేకుండా వందల ప్రైవేట్ పాఠశాలలు నడుస్తున్నాయి.వాటి యాజమాన్యాలతో కుమ్మక్కవుతున్న అధికారులు.. ఏదైనా ఘటన వెలుగు చూస్తే తప్ప అనుమతుల విషయాన్ని పట్టించుకోవడం లేదు. రాష్ట్ర రాజధానిని అనుకుని ఉన్న రంగారెడ్డి జిల్లాలో ఇలాంటి స్కూల్స్ కోకొల్లలు. గుర్తింపు లేని పాఠశాలలపై చర్యలు తీసుకోవాలని ఆందోళనలు చేస్తే తప్ప విద్యాశాఖ స్పందించడం లేదు. ప్రజా సంఘాలు, తల్లిదండ్రులు నెత్తి నోరు కొట్టుకుంటున్న ఎడ్యూకేషన్ డిపార్ట్ మెంట్ కు పట్టడం లేదు.