தேசிய உணர்வைப் பிரதிபலிக்கிறது பொங்கல்

பிரதமர் மோடி பெருமிதம்

ஒரே பாரதம் உன்னதபாரதம்' எனும் தேசிய உணர்வை பொங்கல் பண்டிகை பிரதிபலிக்கிறது என்று பிரதமர் நரேந்திர மோடி பெருமிதத்துடன் தெரிவித்தார்.

தில்லியில் மத்திய இணையமைச்சர் எல். முருகன் இல்லத்தில் தமிழர்களின் பாரம்பரியப் பண்டிகையான பொங்கல் விழா ஞாயிற்றுக் கிழமை நடைபெற்றது. இதில் பிரதமர் மோடி கலந்துகொண்டு, தமிழில் 'வணக்கம் மற்றும் 'இனிய பொங்கல் நல்வாழ்த்துகளை தெரிவித்துதனது உரையைத் தொடங்கி பேசியதாவது: தமிழகத்தில் உள்ள ஒவ்வொரு வீட்டிலும் பொங்கல் பண்டிகை குதூகலம் நிலவுவதைக் காணலாம்.

அனைத்துக் குடிமக்களின் வாழ்க்கையிலும் மகிழ்ச்சி, செழிப்பு மற்றும் மனநிறைவு தொடர்ந்திருக்க வாழ்த்துகள்.

தேசத்தின் வலிமை: தமிழ்ச் சமூகத்தில் பொங்கல் கொண்டாட்டத்தின்போது, வீடுகள் முன் 'கோலம்' போடுவது பாரம்பரிய மரபாகும்.