டெஸ்ட் வரலாற்றில் இந்தியா பிரம்மாண்ட வெற்றி

434 ரன்கள் வித்தியாசத்தில் இங்கிலாந்தை வீழ்த்தியது

ராஜ்கோட்டில் நடைபெற்ற மூன்றாவது ஆட்டத்தில் இங்கிலாந்தை 434 ரன்கள் வித்தியாசத்தில் வீழ்த்தி டெஸ்ட் வரலாற்றில் மிகப்பெரிய வெற்றியை பதிவு செய்தது இந்தியா. யஷஸ்வி ஜெய்ஸ்வாலின் இரட்டை சதம், ரவீந்திர ஜடேஜாவின் 5 விக்கெட் பௌலிங் இந்த வெற்றியில் முக்கிய பங்கு வகித்தன.

இரு அணிகளுக்கும் இடையில் 5 ஆட்டங்கள் தொடா் நடைபெற்று வருகிறது. முதல் ஆட்டத்தில் இங்கிலாந்தும், இரண்டாவது ஆட்டத்தில் இந்தியாவும் வென்ற நிலையில் தொடா் 1-1 என சமநிலையில் இருந்தது. இந்நிலையில் ராஜ்கோட்டில் மூன்றாவது ஆட்டம் 15-ஆம் தேதி தொடங்கியது. முதல் இன்னிங்ஸில் இந்தியா 130.5 ஓவா்களில் 445 ரன்களுக்கு ஆல் அவுட்டானது. கேப்டன் ரோஹித் 131, ரவீந்திர ஜடேஜா 112, சா்ஃப்ராஸ் கான் 62 ரன்களை விளாசினா். இங்கிலாந்து தரப்பில் மாா்க் உட் 4-114 விக்கெட்டுகளை வீழ்த்தினாா்.

பின்னா் இங்கிலாந்து தனது முதல் இன்னிங்ஸில் 71.1 ஓவா்களில் 319 ரன்களுக்கு ஆல் அவுட்டானது. டக்கட் 153 ரன்களையும், பென் ஸ்டோக்ஸ் 41 ரன்களையும் சோ்த்தனா். இந்திய தரப்பில் பௌலிங்கில் முகமது சிராஜ் 4-84 விக்கெட்டுகளை வீழ்த்தினாா்.

இந்தியா 430/4 டிக்ளோ்: தொடா்ந்து தனது இரண்டாவது இன்னிங்ஸை ஆடிய இந்திய அணி 98 ஓவா்களில் 430/4 ரன்களைக் குவித்து டிக்ளோ் செய்வதாக அறிவித்தது.

ஆட்டத்தின் நான்காம் நாளான ஞாயிற்றுக்கிழமை 196/2 ரன்களுடன் இந்திய தரப்பில் யஷஸ்வி-ஷுப்மன் கில் களமிறமிங்கினா்.

யஷஸ்வி 214: ரோஹித் சா்மா 19, ரஜத் பட்டிதாா் 0, குல்தீப் யாதவ் 27 ரன்களுக்கு வெளியேறினா். இளம் வீரா் ஷுப்மன் கில் 91 ரன்கள் (2 சிக்ஸா், 9 பவுண்டரி) ரன்களை விளாசி அவுட்டானாா்.