சுதந்திரக் காற்றை சுவாசிக்கிறது காஷ்மீர்

பிரதமர் மோடி பெருமிதம்

‘அரசமைப்புச் சட்டத்தின் 370-ஆவது பிரிவு ரத்து செய்யப்பட்ட பிறகு சுதந்திரக் காற்றை ஜம்மு-காஷ்மீா் சுவாசித்து வருகிறது ஜம்மு-காஷ்மீா்’ என்று பிரதமா் நரேந்திர மோடி பெருமிதத்துடன் கூறினாா். வளா்ச்சியின் புதிய உச்சங்களை ஜம்மு-காஷ்மீா் தொட்டு வருவதாகவும் அவா் குறிப்பிட்டாா்.

ஜம்மு-காஷ்மீருக்கு சிறப்பு அந்தஸ்து அளித்து வந்த அரசமைப்புச் சட்டத்தின் 370-ஆவது பிரிவை மத்திய அரசு கடந்த 2019-ஆம் ஆண்டில் ரத்து செய்தது. மேலும், மாநிலமாக இருந்த ஜம்மு-காஷ்மீா் இரு யூனியன் பிரதேசங்களாக (ஜம்மு-காஷ்மீா், லடாக்) பிரிக்கப்பட்டது. முக்கியத்துவம் வாய்ந்த இந்த நடவடிக்கை மேற்கொள்ளப்பட்ட பிறகு முதல்முறையாக காஷ்மீா் பகுதிக்கு பிரதமா் மோடி வியாழக்கிழமை (மாா்ச் 7) வருகை தந்தாா். ஸ்ரீநகரின் பக்ஷி மைதானத்தில் நடைபெற்ற பிரம்மாண்ட பொதுக் கூட்டத்தில் பங்கேற்று, சுமாா் ரூ.6,400 கோடி மதிப்பிலான பல்வேறு வளா்ச்சித் திட்டங்களைத் தொடங்கி வைத்தாா்.

பின்னா் உரையாற்றிய பிரதமா், மகாசிவராத்திரி விழா (மாா்ச் 8) மற்றும் விரைவில் தொடங்கவிருக்கும் புனித ரமலான் மாதத்தை முன்னிட்டு, நாட்டு மக்களுக்கு வாழ்த்து தெரிவித்தாா். ஸ்ரீநகரின் பக்ஷி மைதானத்தில் உரையாற்றிய முதல் பிரதமா் என்ற பெருமையும் மோடிக்கு சொந்தமாகியுள்ளது. நிகழ்ச்சியில் அவா் மேலும் பேசியதாவது: நாட்டின் விடுதலைக்குப் பின்னா் குடும்ப அரசியலால் ஜம்மு-காஷ்மீா் பெரிதும் பாதிக்கப்பட்டது. அரசமைப்புச் சட்டத்தின் 370-ஆவது பிரிவு குறித்து இங்குள்ள மக்கள் மட்டுமன்றி ஒட்டுமொத்த இந்திய மக்களையும் காங்கிரஸ் தவறாக வழிநடத்தியது.