வாக்குச் சாவடி மையங்களில் மயங்கி விழுந்து 4 பேர் உயிரிழப்பு

வாக்குச்சாவடி மையத்தில் வாக்களிக்க வந்த மூன்று முதியவர்கள் மயங்கி விழுந்து உயிரிழந்தனர்.

ராமேசுவரம் பகுதியில் வாக்குச் சாவடியில் தன்னார்வலரா கப்பணியில் ஈடுபட்ட ஒரு பெண் திடீர் உடல்நலக் குறைவால் உயிரிழந்தார்.

சேலம், பழைய சூரமங்கலம் பகுதியைச் சேர்ந்தவர் பழனிசாமி (65). இவர் வெள்ளிக்கிழமை காலை அப்பகுதியில் உள்ள தனியார் பள்ளியில் அமைக்கப்பட்டிருந்த வாக்குச்சாவடியில் வாக்களிப்பதற்காக மனைவியுடன் சென்றார். வரிசையில் நின்று கொண்டிருந்தபோது பழனிசாமி திடீரென மயங்கி விழுந்தார். உட னடியாக மருத்துவமனைக்கு கொண்டு செல்ல முயன்றபோது அவர் உயிரிழந்தார்.

சேலம் மாவட்டம், கள்ளக்குறிச்சி தொகுதிக்கு உள்பட்ட தம்மம்பட்டியை அடுத்த செந்தாரப் பட்டிதொடக்கப் பள்ளியில் வாக்குச்சாவடியில் கொண்டையம் பள்ளிரோடு பகுதியைச் சேர்ந்த (77) என்ற சின்னபொண்ணு மூதாட்டி தனது மகன் கோவிந்த ராஜுடன் வாக்களிக்க வந்தார்.

கை விரலில் மை வைக்கப்பட்ட நிலையில், மின்னணு வாக்குப் பதிவு இயந்திரம் அருகே சென்ற சின்னபொண்ணு மயங்கி விழுந்தார்.