தலைமைச் செயலர் சிவ்தாஸ் மீனா மாற்றம்

தமிழக தலைமைச் செயலா் சிவ்தாஸ் மீனா தமிழ்நாடு கட்டட மனை விற்பனை ஒழுங்குமுறை குழுமத் தலைவராக மாற்றப்பட்டுள்ளாா்.

செப்டம்பர் இறுதியில் சிவ்தாஸ் மீனா ஓய்வு பெறவிருந்த நிலையில், தலைமைச் செயலர் பதவியிலிருந்து விடுவிக்கப்பட்டு புதிய பொறுப்பில் நியமிக்கப்பட்டிருக்கிறார்.

இது தொடா்பாக தமிழ்நாடு அரசின் வீட்டு வசதி, நகா்ப்புற வளா்ச்சி துறை முதன்மை செயலா் ககா்லா உஷா பிறப்பித்த உத்தரவு:

தமிழ்நாடு கட்டட மனை விற்பனை ஒழுங்குமுறை குழுமத் தலைவராகப் பதவி வகித்த கே.ஞானதேசிகனின் பதவி காலம் கடந்த பிப்.10-ஆம் தேதியுடன் முடிவடைந்தது. இதையடுத்து அந்தப் பதவிக்கு தகுதியான நபரை நியமிக்க குழு அமைக்கப்பட்டது. அந்தக் குழுவின் பரிந்துரையின் பேரில், தமிழக அரசின் தலைமைச் செயலராகப் பதவி வகித்து வரும் சிவ்தாஸ் மீனா, தற்போது தமிழ்நாடு கட்டட மனை விற்பனை ஒழுங்குமுறை குழுமத் தலைவராக நியமிக்கப்பட்டுள்ளாா். இதற்கான அதிகாரப்பூா்வ அறிவிப்பு அரசிதழில் ஞாயிற்றுக்கிழமை வெளியிடப்பட்டுள்ளது என்று அந்த உத்தரவில் தெரிவிக்கப்பட்டுள்ளது.