ஆஸி.யுடனான ஒருநாள் தொடர்: இங்கிலாந்துக்கு முதல் வெற்றி

ஆஸ்திரேலியாவுக்கு எதிரான 3-ஆவது ஒருநாள் கிரிக்கெட்டில் இங்கிலாந்து ‘டக்‌வர்த் லீவிஸ்’ முறையில் 46 ரன்கள் வித்தியாசத்தில் வென்றது.

மொத்தம் 5 ஆட்டங்கள் கொண்ட தொடரில் முதலிரு ஆட்டங்களில் ஆஸ்திரேலியா வென்றிருக்க, தற்போது வென்ற இங்கிலாந்து, தொடரில் தன்னை தக்கவைத்துக் கொண்டது.

இந்திய நேரப்படி செவ்வாய்க்கிழமை நள்ளிரவு நிறைவடைந்த இந்த ஆட்டத்தில் முதலில் ஆஸ்திரேலியா 50 ஓவா்களில் 7 விக்கெட்டுகள் இழப்புக்கு 304 ரன்கள் சேகரித்தது. இங்கிலாந்து 37.4 ஓவா்களில் 4 விக்கெட்டுகள் இழப்புக்கு 254 ரன்கள் எடுத்திருந்தபோது மழையால் ஆட்டம் தடைப்பட்டது.