நெல்லையில் திரையரங்கு மீது பெட்ரோல் குண்டு வீச்சு

திருநெல்வேலி மேலப்பாளையத்தில் உள்ள திரையரங்கு மீது பெட்ரோல் குண்டுகளை மர்ம நபர்கள் வீசினர். இதுதொடர்பாக இருவரை போலீஸார் தேடி வருகின்றனர்.

மேலப்பாளையத்தில் அமைந்துள்ள திரையரங்கில் சூர்யா நடித்த கங்குவா, சிவகார்த்திகேயன் நடித்த அமரன் உள்ளிட்ட படங்கள் திரையிடப்பட்டுள்ளன.

இந்நிலையில், சனிக்கிழமை அதிகாலை 2.30 மணிக்கு, திரையரங்கு வளாகத்தில் குண்டு வெடித்த சப்தம் கேட்டது.

அங்கிருந்த ஊழியர்கள் ஓடிச்சென்று பார்த்தபோது திரையரங்கு வளாகத்தில் தீப்பற்றி எரிந்து கொண்டிருந்தது. தீயை உடனடியாக அணைத்த ஊழியர்கள், மேலப்பாளையம் போலீஸாருக்கு தகவல் தெரிவித்தனர்.