സമ്മർദ്ദമില്ലാതെ ഇന്ത്യ

മൂന്നാം മത്സരം ഇന്ന് ഇഷാന് വേണ്ടി സഞ്ജുവിനെ തഴയുമോ ?

പോർട്ട് ഓഫ് സ്പെയിൻ: ഇന്ത്യയും വെസ്റ്റ് ഇൻഡീസും തമ്മിലുള്ള മൂന്നാമത്തെയും അവസാനത്തെയും ഏകദിനം ഇന്ന് നടക്കുകയാണ്. പരമ്പരയിൽ 2-0ന്റെ അഭേദ്യമായ ലീഡ് നേടിയതിനാൽ സമ്മർദ്ദമില്ലാതെ കളിക്കാർ ശിഖർ ധവാനും സംഘത്തിനും സാധിക്കും. എന്നാൽ ടീം കോമ്പിനേഷനിൽ മാറ്റം വരുത്തണമോയന്ന ചോദ്യം രാഹുൽ ദ്രാവിഡിനെയും ധവാനെയും കുഴക്കും. വിന്നിങ് ടീമിനെ തന്നെ നിലനിർത്തണോ, അതോ പരമ്പരയിൽ ഇനിയും അവസരം ലഭിക്കാത്തവർക്കു അവസരം നൽകണമോയെന്നതാണ് ചോദ്യം.

മൽസരഫലം പരിഗണിക്കാതെ ഒരേ ടീമിനെ തന്നെ തുടർച്ചയായി കളിപ്പിക്കുകയെന്നതിൽ വിശ്വസിക്കുന്ന കോച്ചാണ് ദ്രാവിഡ്. നേരത്തേ സൗത്താഫ്രിക്കയുമായുള്ള ടി20 പരമ്പരയിൽ ഇതു കണ്ടതുമാണ്. അതുകൊണ്ടു തന്നെ മൂന്നാം ഏകദിനത്തിൽ ഇന്ത്യൻ ടീമിൽ വലിയൊരു അഴിച്ചുപണി ദ്രാവിഡ് നടത്താനിടയില്ലെന്നാണ് സൂചനകൾ. എങ്കിലും ചില മാറ്റങ്ങൾക്കു സാധ്യതയുമുണ്ട്.