பரபரப்பான அரசியல் சூழ்நிலையில் நாளை பாராளுமன்றம் கூடுகிறது

பிரச்சினைகளை கிளப்ப எதிர்க்கட்சிகள் திட்டம்

புதுடெல்லி, ஜூலை 19-2023ம் ஆண்டுக்கான பட்ஜெட் கடந்த ஜனவரி 31ந் தேதி தொடங்கியது. ஜனாதிபதி திரவுபதி முர்மு உரை நிகழ்த்தி அவையை தொடங்கி வைத்தார். அதன் பிறகு மத்திய நிதி மந்திரி நிர்மலா சீதாராமன் பட்ஜெட்டை தாக்கல் செய்தார். பாராளுமன்ற கூட்டத் தொடரின் முதல் அமர்வு பிப்ரவரி 13ந் தேதி வரை நடைபெற்றது. 2 வது அமர்வு மார்ச் 13ந் தேதி முதல் ஏப்ரல் 6ந் தேதி வரை நடைபெற்றது. அதானி விவகரத்தால் பாராளுமன்றத்தின் இரு அவைகளையும் எதிர்க்கட்சிகள் முடக்கி இருந்தன. இந்த நிலையில் பரபரப்பான அரசியல் சூழ்நிலையில் பாராளுமன்றம் நாளை (வியாழக்கிழமை) கூடுகிறது. மழைக்கால கூட்டத்தொடர் 20ந் தேதி முதல் பாராளுமன்ற ஆகஸ்ட் 11 ந் தேதி வரை நடைபெறுகிறது.