புற்றுநோயால் பாதிக்கப்பட்டவர்களுக்கு உதவ மீனவ கிராம மக்கள் கலெக்டரிடம் நிதியளிப்பு

புற்றுநோயால் பாதிக்கப்பட்டவர்களுக்கு உதவ காரைக்கால் மேடு, கிளிஞ்சல் மேடு மீனவ கிராமமக்கள் நன்கொடை வசூலித்து, பொதுமக்கள் குறை தீர்ப்பு முகாமில், மாணவர்கள் மூலம் கலெக்டரிடம் ஒப்படைத்தனர்.

புதுச்சேரி கவர்னர் மற்றும் முதலமைச்சர் உத்தரவின் பேரில், காரைக்கால் மாவட்டத்தில் ஒவ்வொரு மாதமும் நடைபெறும் பொதுமக்கள் குறைதீர்க்கும் முகாம், நேற்று மாவட்ட கலெக்டர் அலுவலகத்தில் நடைபெற்றது.

இந்த முகாமிற்கு மாவட்ட கலெக்டர் குலோத்துங்கன் தலைமை தாங்கினார். முகாமில், கடந்த மாதம் பெறப்பட்ட 234 மனுக்களில், தீர்வு காணப்பட்ட மனுக்கள் தவிர, மீதமுள்ள மனுக்கள் மீது உடனடியாக நடவடிக்கை எடுக்க வேண்டும் என கலெக்டர் அறிவுறுத்தினார்.

இம்மாதம் பெறப்பட்ட 129 மனுக்களில், சிகப்பு நிற குடும்ப அட்டை வேண்டி 42 மனுக்களும், எல்.ஜி.ஆர். பட்டா வேண்டி 9 மனுக்களும் மற்றும் மழைக்காலத்தில் குளம் தூர்வாருதல், வடிகால், சாக்கடைகளை தூர்வாருதல், குடியிருப்புகளில் தேங்கியுள்ள மழை நீரை அகற்றுதல் உள்ளிட்ட 129 மனுக்கள் பெறப்பட்டது. இம்மனுக்கள் மீது குறித்த தினங்களுக்குள் நடவடிக்கை எடுக்கும்படி சம்பந்தப்பட்ட துறை அதிகாரிகளுக்கு, கலெக்டர் குலோத்துங்கன் உத்தரவிட்டார். தொடர்ந்து, கலெக்டர் குலோத்துங்கன் பேசியதாவது:பொதுப்பணித்துறை, நகராட்சி மற்றும் அனைத்து கொம்யூன் பஞ் சாயத்து ஆணையர்களும் ஒன்றிணைந்து, காரைக்கால் மாவட்டத்தில் பெய்த மழையின் காரணமாக, பல்வேறு இடங்களில் தேங்கியிருக்கும் தண்ணீரை உடனடியாக அப்புறப்படுத்தவேண்டும். பொது மக்களுக்கு சுத்தமான, சுகாதாரமான குடிநீரை வழங்கவேண்டும்.