கணக்கு தணிக்கை செய்வதில் ஆண்களை விட பெண்கள் திறமைசாலி: துணை நிலை ஆளுநர் தமிழிசை பேச்சு

தலைமை கணக்கு தணிக்கை அலுவலக 50வது ஆண்டு விழா மற்றும் கணக்கு தணிக்கை வார விழாக் கொண்டாட்டத்தின் நிறைவு விழா சென்னையில் நடைபெற்றது

துணை நிலை ஆளுநர் டாக்டர் தமிழிசை சௌந்தரராஜன் சிறப்பு விருந்தினராக கலந்து கொண்டார். நிகழ்ச்சியில் துணை நிலை ஆற்றிய உரையின் சுருக்கம், 1860ஆம் ஆண்டில் தொடங்கப் பட்ட இந்த நிறுவனத்தின் நிகழ்ச்சியில் கலந்து கொண்டதில் மகிழ்ச்சி அடைகிறேன். கணக்கு தணிக்கை நிறுவனமானது அரசுக்குகம் அதிகாரிகளுக்கும் பொதுமக்களுக் கும் ஒரு பாலமாக இருக்கிறது.

பாரதப் பிரதமர் நரேந்திர மோடி இதைத்தான் 'குறைந்தபட்ச அரசு, அதிகபட்ச ஆட்சி' என்று கூறுகிறார். சி.ஏ.ஜி (CAG) தலைமைக் கணக்குத் தணிக்கை நிறுவனத்தைப் பற்றி பாரதப் பிரதமர், "இப்போது மட்டுமல்ல, குஜராத்தின் முதலமைச்சராக இருந்தபோதும் எனது அமைச்சர்களுக்கும் அதிகாரிகளுக்கும் எதையும் கணக்காளர்களிடம் மறைக்காதீர்கள். எதையும் மறைக்காமல் அவர்களிடத்தில் சொன்னால்தான் அவர்கள் சரியாக கணக்கிட முடியும் என்று சொல்வேன்” என்று தெரிவித்தார்.

இன்று, பெரிய நிர்வாகத்திற்கு மட்டுமல்ல ஒரு குடும்பத்திற்கும் கணக்காளர் தேவையாக இருக்கிறார்."ஆற்றில் போட்டாலும் அளந்து போடு" என்பது ஒரு தமிழ் பழமொழி. எனவே, அனைத்தையும் கணக்கில் வைத்துக் கொள்வது நல்லது. நீங்கள் அதிகமாக கணக்கு செய்ய அரசிடம் வெளிப்படைத் தன்மையும் அதிகமாக இருக்கிறது.

கணக்கெடுப்பதன் மூலம் சிக்கனமாகவும் இருக்க முடிகிறது. செலவிடுவதில் கவனமும் கிடைக்கிறது.