தமிழ் சினிமா பானியில் சிறுவனின் கழுத்தை துண்டாக்க நினைத்த 17 வயது சிறுவன் - போலீஸ் விசாரணையில் திடுக்கிடும் தகவல்

தமிழ் சினிமா பானியில், சிறுவனின் கழுத்தை துண்டாக்க நினைத்து, ஆள் நடமாட்டத்தை கண்டு 17 வயது சிறுவன் தப்பி ஓடியதாக, போலீஸ் விசாரணையில் திடுக்கிடும் தகவலாக வெளியாகி உள்ளது. மேலும் சிறுவன் கொலையில் தாய்க்கு சம்பந்தமில்லை என எஸ்எஸ்பி மணீஷ் தெரிவித்துள்ளார்.

காரைக்காலை அடுத்த நிரவி திருமலை ராஜன் ஆற்று பாலம் அருகே ஒயிட் ஹவுஸ் காலனி உள்ளது. இந்த காலனியில் வசிக்கும் கட்சி தொழிலாளியின் 13 வயது மகன், கடந்த 27ந் தேதி மாலை, கொடூரமான முறையில் கழுத்தை அறுத்ததோடு 17 இடங்களில் கூறு போட்ட கொலை காரைக்காலில் பெரும் பரபரப்பை ஏற்படுத்தி இருந்தது.

சிறுவனின் கழுத்தை அறுத்த 17 வயது சிறுவனின் செல்போன் எண்ணை வைத்து, அவர் மயிலாடுதுறையில் உள்ள உறவினர் வீட்டில் பதுங்கி இருப்பதை போலீசார் மோப்பம் பிடித்து, அங்கு விரைந்து சேர்ந்து 17 வயது சிறுவனை கைது செய்து காரைக்கால் கொண்டு வந்தனர். பிறகு காரைக்கால் கோர்ட்டில் ஆஜர் படுத்தி புதுச்சேரி சிறார் சீர்திருத்த பள்ளிக்கு அனுப்பி வைக்கப் பட்டார். இந்த கொலை குறித்து நடை பெற்ற போலீசார் விசாரணையில், பல திடுக்கிடும் தகவல்கள் வெளியாகி உள்ளது.