புதுவையில் மக்களை பாதிக்காத வகையில் மின் கட்டணம் இருக்கும் - மின்துறை அமைச்சர் நமச்சிவாயம் உறுதி

புதுவை உள்துறை அமைச்சர் நமச்சிவாயம், நேற்று நிருபர்களிடம் கூறியதாவது, புதுவை அரசு கல்வித்துறையில் காலி பணியிடங்கள் கணக் கெடுக்கப்பட்டு வருகிறது.

பள்ளிக்கல்வித்துறை ஆசிரியர் பணியிடங்களை நிரப்ப விண்ணப்பம் பெறப்பட்டு பரிசீலனை யில் உள்ளது. விரிவுரை யாளர் பணியிடங்கள் 67 இடங்கள் விரைவில் திரப் பப்பட உள்ளது. தனியார் பள்ளி கட்டணம் விவரம் விரைவில் அறிவிக்கப்பட உள்ளது.

மின்சார புதுச்சேரி அரசு மின்சாரம் வாங்கும் இடத்தில் கட்டணம் உயர்ந்துள்ளதால் மின்கட்டண உயர்வை தவிர்க்க முடியாமல் பரிசீலனைக்கு எடுத்துக் கொள்ளப்பட்டுள் ளது. எனினும், மின் கட்டணம் உயர்வை மறு பரிசீலனை செய்ய ஒழுங்குமுறை இணை ஆணையத்திற்கு கடிதம் எழுதியுள்ளோம். இது சம்பந்தமாக மத்திய மின்துறை அமைச்சரையும் சந்திக்க உள்ளோம். ரூ.148 கோடி பற்றாக்குறை இதன் மூலம் ஏற்படுவதை சரி செய்ய மானியம் அளிக்க முடியுமா? எனவும் அரசு ஆலோசித்து வருகிறது. எந்த சூழ்நிலையிலும் புதுச்சேரி மக்களுக்கு பாதிப்பு இல்லாத வகையில் கட்டணம் நிர்ணயிக்க உரிய நடவடிக்கை அரசு எடுக்கும். இதுவரை உயர்த்தப்பட்ட கட்டணம் அமல்படுத்தப்படவில்லை.