ரேஷன் கடைகளை திறந்து அத்தியாவசிய பொருட்களை மானிய விலையில் வழங்க வேண்டும் - முதலமைச்சர் ரங்கசாமியிடம் காங்கிரஸ் வலியுறுத்தல்

புதுச்சேரி முதலமைச்சர் ரங்கசாமியை, காங்கிரஸ் சட்டமன்ற கட்சி தலைவர் வைத்தியநாதன் எம்.எல்.ஏ.,ஒருங்கிணைப்பாளர் தேவதாஸ், முன்னாள் அரசு கொறடா ஆர்.கே.ஆர். அனந்தராமன், பொதுச் செயலாளர் இளையராஜா மற்றும் நிர்வாகிகள் நேற்று சட்டப்பேரவையில் சந்தித்தனர்.

அப்போது முதலமைச்சர் ரங்கசாமிடம் காங்கிரஸ் தலைவர் வைத்திலிங்கம் எம்.பி., வைத்தியநாதன் எம்.எல்.ஏ., முன்னாள் அமைச்சர் ஷாஜகான், தேவதாஸ், ஆர்.கே.ஆர்.அனந்தராமன் ஆகியோர் கையெழுத்திட்ட மனுவை அளித்தனர்.

அந்த மனுவில் அவர்கள் கூறியிருப்பதாவது, மக்களவைத் தேர்தலின்போது மக்களை சந்தித்த அரசியல் தலைவர்களிடம் பொதுமக்கள் வைத்த முக்கிய கோரிக்கை ரேஷன் கடைகளை திறக்க வேண்டும் என்பதுதான்.

அன்றாட வாழ்க்கையில் உணவுக்கு தேவையான அத்தியாவசிய பொருட்களின் சந்தை விலை நமது பொதுமக்களை மிகவும் பாதிப்படைய செய்துள்ளது. இத்தகைய சூழலில் மக்கள் அத்தியாவசிய உணவுப் பொருட்களை அரசாங்கம் ரேஷன் கடை மூலமாக மானிய விலையில் வழங்க வேண்டும் என்று எதிர்பார்க்கின்றனர்.