தூய்மையே சேவை இரு வார நலப்பணி நிறைவு விழாவில் 'ஒரு லட்சம் மரக்கன்று நடும் பணி' கவர்னர், முதலமைச்சர் துவக்கி வைத்தனர்

புதுச்சேரி உள்ளாட்சித் துறை மற்றும் நகராட்சிகள் சார்பில், தூய்மையே சேவை இரு வார நலப்பணி கடந்த 17ம் தேதி துவங்கி நேற்று வரை, தூய்மை பணி மற்றும் விழிப்புணர்வு நிகழ்ச்சிகள் நடந்தது. இதன் நிறைவு விழா கம்பன் கலையரங்கத்தில் நேற்று நடந்தது.

விழாவில் கவர்னர் கைலாஷ்நாதன், முதலமைச்சர் ரங்கசாமி கலந்து கொண்டு, தூய்மை விழிப்புணர்வு சைக்கிள் பேரணி, ராஷ்ட்ரிய ரக்ஷா பல்கலைக்கழக மாணவர்களின் விழிப்புணர்வு ஓட்டம், உழவர் சந்தை தூய்மைப் பணிகளை துவக்கி வைத்தனர்.

இதனை தொடர்ந்து, 'தாயின் பெயரில் ஒரு மரம்' உறுதிமொழியை கைலாஷ்நாதன் வாசிக்க, விழாவில் பங்கேற்ற அனைவரும் உறுதிமொழி ஏற்றுக்கொண்டனர்.