கோ-ஆப்டெக்ஸ் நிறுவனம் ரூ.100 கோடி இலக்கு!

அமைச்சர் ஆர்.காந்தி பேட்டி!!

தீபாவளி பண்டிகையை யொட்டி, கோ.ஆப்டெக்ஸ் நிறுவனம் ரூ.100 கோடி மதிப்பிலான கைத்தறி துணிகளை விற்பனை செய்வதற்கு இலக்கு நிர்ணயிக்கப்பட்டுள்ளது.

புதிய வடிவமைப்பில் 700 பட்டுசேலைகள் மற்றும் மூங்கில் இழையால் உற்பத்தி செய்யப்பட்ட துண்டு வகைகள் அறிமுகம் செய்யப்பட உள்ளதாக அமைச்சர் ஆர்.காந்தி தெரிவித்தார்.

கைத்தறி வகைகளின் விற்பனையை அதிகரிக்க, ஆண்டு தோறும் பேரறிஞர் அண்ணா பிறந்த நாளை முன்னிட்டு செப்டம்பர் 15 ஆம் தேதி முதல் ஜனவரி 31 ஆம் தேதி வரை 30 சதவிகிதம் அரசு சிறப்புதள்ளுபடி அனைத்து கோஆப்டெக்ஸ் விற்பனை நிலையங்களிலும் வழங்கப் படுகிறது.

இந்த ஆண்டும் தீபாவளியை முன்னிட்டு கோஆப்டெக்ஸ் நிறுவனம் தனது 11 மண்டலங்களில் உள்ள 150 விற்பனை நிலையங்கள் மூலம் தீபாவளி விற்பனையை மேற்கொண்டு வருகிறது.

இந்த நிலையில், கைத்தறி மற்றும் துணிநூல் துறை அமைச்சர் ஆர்.காந்தி, சென்னை பாந்தியன் சாலையில் உள்ள தில்லையாடிவள் ளியம்மை பட்டுமாளிகை விற்பனை நிலையத்தில் தீபாவளி 30 சதவீதம் சிறப்பு தள்ளுபடி விற்பனை மற்றும் புதியதாக வடிவமைக்கப்பட்ட கைத்தறி வகைகளை வாடிக்கையாளர்களுக்கு இன்று அறிமுகம் செய்து வைத்தார். மேலும் வாடிக்கையாளர்களுக்கான கோஆப்டெக்ஸ் சிறப்புரிமை அட்டையினை அறிமுகம் செய்து வைத்தார்.