படிக்கட்டில் விழுந்த பா.ஜ.க.எம்.பி. மண்டை உடைந்தது!

அம்பேத்கர் விவகாரத்தில் பாராளுமன்றத்தில் மோதல்

ராகுல்காந்தி தள்ளி விட்டதாக பரபரப்பு குற்றச்சாட்டு; “பா.ஜ.க.வினர்தான் என்னை தடுத்து மிரட்டி தள்ளி விட்டனர்" - ராகுல் பதிலடி!!

அம்பேத்கர் விவகாரம் நாளுக்கு நாள் உக்கிரம் அடைந்து வருகிறது.

பா.ஜ.க. எம்.பி.க்களும், இந்தியா கூட்டணி எம்.பி.க்களும் நாடாளுமன்ற மகர துவார் வாயில் பகுதியில் நேருக்கு நேர் மோதிக் கொண்டனர்.

படிக்கட்டில் விழுந்த பா.ஜ.க. எம்.பி. பிரதாப் சந்திர சாரங்கியின் ராம்மனோகர் மண்டை உடைந்து விட்டது.

லோகியா மருத்துவமனையில் சாரங்கி அனுமதிக்கப்பட்டுள்ளார். ராகுல் காந்தி தள்ளி விட்ட எம்.பி. தன் மீது விழுந்ததால்தான் தனக்கு காயம் ஏற்பட்டது என சாரங்கி குற்றம்சாட்டி உள்ளார். இதற்கு பதிலடி கொடுக்கும் வகையில் ராகுல், பா.ஜ.க.வினர் தான் என்னை தடுத்து மிரட்டி தள்ளிவிட்டனர் என்று தெரிவித்துள்ளார்.

நாடாளுமன்ற குளிர்கால கூட்டத் தொடர் கடந்த மாதம் 25-ஆம் தேதி தொடங்கியது. இன்று 19-ஆவது அமர்வு ஆகும்.

தினந்தோறும் அமளியே மேலோங்கியது. அலுவலை கவனிக்க சொற்ப நேரம் மட்டுமே கிடைத்தது. நேற்று முன்தினம் மாநிலங்களில் உரையாற்றிய

உள்துறை மந்திரி அமித்ஷா, 'அம்பேத்கர்.. அம்பேத்கர்.. அம்பேத்கர்' என முழக்கமிடுவது இப்போது பேஷன் ஆகிவிட்டது. இதற்கு பதிலாக கடவுளின் பெயரை இவ்வளவு முறை உச்சரித்திருந்தால், சொர்க்கத்திலாவது அவர்களுக்கு இடம் கிடைத்திருக்கும் என்று குறிப்பிட்டார்.

இந்த கருத்துக்கு எதிர்க்கட்சி எம்.பி.க்கள் கடும் கண்டனம் தெரிவித்து நாடாளுமன்றத்திற்கு வெளியே அம்பேத்கர் புகைப்படங்களை ஏந்தி அமித்ஷாவுக்கு எதிராக போராட்டம் நடத்தினர்.