સૂર્યકુમારના તોફાનમાં ઊડ્યું વેસ્ટ ઇન્ડીઝઃ ભારતની સાત વિકેટે જીત

પ્લેયર ઓફ ધ મેચ સૂર્યકુમારે ૪૪ બોલમાં આઠ ચોગ્ગા, ચાર ચોગ્ગા સાથે ૭૬ રન ઝૂડ્યા

સેન્ટ કિટ્સ, બુધવારઃ

ભારતે ગઈ કાલે ત્રીજી ટી-૨૦માં વેસ્ટ ઇન્ડીઝને સાત વિકેટે હરાવી દીધું છે. ટોસ હારીને પ્રથમ બેટિંગ કરતા વિન્ડીઝે ૨૦ ઓવરમાં પાંચ વિકેટે ૧૬૪ રન બનાવ્યા હતા. કાયલ મેયર્સે સૌથી વધુ ૭૩ રનની ઇનિંગ્સ રમી. જવાબમાં ભારતે પ્લેયર ઓફ ધ મેચ જાહેર થયેલા સૂર્યકુમાર યાદવના ૭૬ રનની મદદથી ૧૯ ઓવરમાં ત્રણ વિકેટ ગુમાવીને ૧૬૫ રનનું લક્ષ્ય હાંસલ કરી લીધું. આ જીત સાથે જ ભારતે પાંચ મેચની ટી-૨૦ શ્રેણીમાં ૨-૧ની સરસાઈ મેળવી લીધી છે. સૂર્યકુમાર ઉપરાંત ઋષભ પંતે ૨૬ બોલમાં ૩૩ અને દીપક હુડ્ડાને ૧૦ રનની અણનમ ઇનિંગ્સ રમી. શ્રેણીની અંતિમ બંને મેચ તા. ૬ અને ૭ ઓગસ્ટે રમાશે.