OMG! હજુ લગભગ છ લાખ લોકોએ વેક્સિનનો સેકન્ડ ડોઝ પણ લીધો નથી

દક્ષિણ ઝોનમાં લોકોની ઉદાસીનતાથી તંત્ર પણ સ્તબ્ધઃ સરકારી સેવાઓમાં સર્ટિફિકેટ જરૂરી કરાશે તો જ વેક્સિનેશનમાં ૧૦૦ ટકા લક્ષ્યાંક મેળવી શકાશે

અમદવાદ, ગુરુવાર

શહેરમાં કોરોનાની ફોર્થવેવ ગત જૂન મહિનાથી શરૂ થઈ ચૂકી છે. કોરોનાની ફોર્થ વેવમાં કોમોર્બિડ સ્થિતિ ધરાવતા દર્દીનાં મૃત્યુના કિસ્સા પણ નોંધાઈ રહ્યા હોઈ તબીબો પણ ફોર્થ વેવને હળવાશથી લેવા સામે લોકોને ચેતવી રહ્યા છે. કોરોનાના દરરોજના ૩૦૦થી ઉપર કેસ નોંધાઈ રહ્યા છે એટલે કેસની સંખ્યા પણ ચિંતાજનક છે. કોરોનાના ચેપ પર અંકુશ મૂકવા હવે ૧૮થી ૫૯ વયજૂથના લોકોને મ્યુનિ. તંત્ર દ્વારા વેક્સિનનો થર્ડ ડોઝ એટલે કે પ્રીકોશનરી ડોઝ મફતમાં અપાઈ રહ્યો છે. ગત તા. ૧૫ જુલાઈથી આ અભિયન હાથ ધરાયું છે, જે દરમિયાન ચિંતાજનક બાબત એ છે કે હજુ લગભગ છ લાખ લોકોએ કોરોના વેક્સિનનો સેકન્ડ ડોઝ લીધો નથી. આમાં પણ અનેક લોકોએ તેમની ધાર્મિક માન્યતાના કારણે વેક્સિનનો ફર્સ્ટ ડોઝ પણ માંડ માંડ લીધો હતો એટલે આવા લોકો સેકન્ડ ડોઝ લેવા આગામી દિવસોમાં આગળ આવશે કે કેમ તે મોટો પ્રશ્ન હોઈ જે કોરોના વેક્સિનેશનના મામલે મ્યુનિ. તંત્ર સામેનો મહાપડકાર જ છે.

કોરોનાને હરાવવામાં વેક્સિનેશન એકમાત્ર અસરકારક જાન્યુઆરીઉપાય પુરવાર થયો છે. ૨૦૨૨માં વેક્સિનના બંને ડોઝ લેનારાઓ કોરોનાની થર્ડ વેવ વચ્ચે પણ સુરક્ષિત રહ્યા હતા.