મુંબઈમાં ભારે પવન સાથે મુશળધાર વરસાદઃ ઓરેન્જ એલર્ટ, હાઈટાઈડની પણ ચેતવણી

ઉત્તરાખંડના ધારચૂલા અને હિમાચલના કિન્નૌરમાં ભૂસ્ખલનથી ભારે તબાહી

મુંબઈ, મંગળવાર

મુંબઈ સહિત દેશભરમાં આસમાની આફતનો કહેર વરસી રહ્યો છે. દેશની આર્થિક રાજધાની મુંબઈમાં સોમવાર સાંજથી જ ગાજવીજ અને ભારે પવન સાથે મુશળધાર વરસાદ શરૂ થઈ ગયો છે. હવામાન વિભાગે મુંબઈ માટે આજનો દિવસ ભારે હોવાની ચેતવણી આપી છે. આજે મુંબઈ, નવી મુંબઈ, પાલઘર અને રાયગઢમાં ભારે વરસાદનું ઓરેન્જ એલર્ટ જારી કરવામાં આવ્યું છે. મુંબઈમાં ભારે વરસાદ વચ્ચે મરીન ડ્રાઈવ પર હાઈટાઈડની ચેતવણી પણ જારી કરવામાં આવી છે.