કેન્સર હોસ્પિટલમાં સરપ્રાઈઝ ચેકિંગઃ રપથી વધુ કર્મચારી મોબાઈલ ફોન સાથે ઝડપાયા

હોસ્પિટલના એક હજારથી વધુ કર્મચારીઓના મોબાઈલ ઉપયોગ પર રોક લગાવી હતી: હજુ પણ કેટલાક કર્મચારીઓ મોબાઈલનો ઉપયોગ કરતા હોવાની શક્યતા

અમદાવાદ, મંગળવાર

સિવિલ હોસ્પિટલના કેમ્પસમાં આવેલી ધ ગુજરાત કેન્સર એન્ડ રિસર્ચ ઈન્સ્ટિટ્યૂટ (એમ.પી. શાહ કેન્સર હોસ્પિટલ)ના વર્ગ-ચારના એક હજારથી વધુ કર્મચારીઓના મોબાઇલ ફોનના ઉપયોગ પર પ્રતિબંધ મૂકવાનો નિર્ણય લેવાયો હતો. કેન્સર હોસ્પિટલના ડાયરેક્ટર શશાંક પંડ્યાએ લીધેલા આ નિર્ણયની કર્મચારી ઐસીતૈસી કરી રહ્યા છે અને ચોરીછૂપે મોબાઇલ ફોનનો ઉપયોગ કરે છે. થોડા દિવસ પહેલાં હોસ્પિટલમાં સરપ્રાઇઝ ચેકિંગ હાથ ધરવામાં આવ્યુ હતું, જેમાં ૨૫થી વધુ કર્મચારીઓ પાસેથી મોબાઇલ ફોન મળી આવ્યા હતા. તમામ કર્મચારીઓને નોટિસ બજાવીને વોર્નિંગ આપી દેવાઇ છે.