દેશમાં આ વખતે ચોમાસું લાંબુ ચાલ્યું: હવે શિયાળો પણ જામતો નથી

હિમાલયમાં બરફથી ઢંકાયેલો વિસ્તાર ૩ર ટકા ઘટ્યો

ચાલુ વર્ષના અંતિમ માસ ડિસેમ્બરની શરૂઆત થઇ ગઈ છે. સામાન્ય રીતે ડિસેમ્બરના પહેલા સપ્તાહે તાપમાન ૨૪-૨૬ ડિગ્રી આસપાસ રહેતું હોય છે, પરંતુ આ વર્ષે ડિસેમ્બરમાં પણ તાપમાન હજુ પણ આગામી ત્રણ દિવસ સુધી ૨૬ ડિગ્રીથી નીચું જવાની કોઈ સંભાવના નથી. હજુ પણ તાપમાન ૨૬-૨૭ ડિગ્રી આસપાસ રહેવાની શક્યતા છે. વર્ષ ૨૦૧૧થી અત્યાર સુધી ડિસેમ્બરના પહેલા અઠવાડિયામાં વાતાવરણમાં કોઈ વધારે ફેરફાર દેખાયો નથી, પરંતુ આ વર્ષે આ વખતે ડિસેમ્બરનું પહેલું અઠવાડિયું સૌથી ગરમ રહ્યું છે. ૧૨-૧૫ ડિસેમ્બર પછી દેશમાં ઠંડીની અસર વર્તાશે તેમ હવામાન વિભાગનું અનુમાન છે. દેશનાં મોટા ભાગનાં રાજ્યમાં શિયાળાની શરૂઆત થઈ ગઈ હોવા છતાં તાપમાનમાં કોઈ નોંધપાત્ર ઘટાડો નોંધાયો નથી.