દિલ્હી વિધાનસભા ચૂંટણીની તારીખો આજે જાહેર થશેઃ બપોરે ચૂંટણીપંચની પ્રેસ કોન્ફરન્સ

દિલ્હી વિધાનસભાનો કાર્યકાળ આગામી ફેબ્રુઆરીમાં પૂર્ણ થશે

દિલ્હી માટે આજનો દિવસ ખૂબ મહત્ત્વપૂર્ણ બની રહેવાનો છે. દિલ્હી વિધાનસભા ચૂંટણીના કાર્યક્રમની આજે સત્તાવાર જાહેરાત થશે. ચૂંટણીપંચ આજે બપોરના ૨.૦૦ વાગ્યે આ સંદર્ભે એક પ્રેસ કોન્ફરન્સ કરશે. આ સાથે દિલ્હીમાં આચારસંહિતા લાગુ થઈ જશે. ઉલ્લેખનીય છે કે દિલ્હી વિધાનસભાનો કાર્યકાળ આગામી ફેબ્રુઆરી મહિનામાં પૂરો થઈ રહ્યો છે. દિલ્હીમાં છેલ્લી વિધાનસભા ચૂંટણી ફેબ્રુઆરી-૨૦૨૦માં યોજાઈ હતી, જેમાં આમ આદમી પાર્ટી (આપ)એ સંપૂર્ણ બહુમતી સાથે ૭૦માંથી ૬૨ બેઠકો જીતી લીધી હતી.