78 வயதான் பெண் படுகொலை: பாடசாலை மாணவன் கைது

பலாங்கொடையில் 78 வயதுடைய வயோதிபப் பெண்ணொருவர் படுகொலை செய்யப்பட்ட சம்பவம் தொடர்பில், 17 வயதுடைய பாடசாலை மாணவர் ஒருவர் எதிர்வரும் 08ஆம் திகதி வரை விளக்கமறியலில் வைக்கப்பட்டுள்ளார்.

17 வயதுடைய பாடசாலை மாணவர் ஒருவரை பலாங்கொடை நீதிமன்ற பதில் நீதவான் டி.எம் சந்திரசேகர முன்னிலையில், ஞாயிற்றுக்கிழமை (07) முன்னிறுத்தப்பட்ட போதே, விளக்கமறியலில் வைக்குமாறு பதில் நீதவான் உத்தரவிட்டார்.

சந்தேகநபரின் உடல், உள பரிசோதனைகளை மேற்கொள்வதுடன், சமூக நோய்கள் தொடர்பில் அறிக்கைகளைச் சமர்ப்பிக்குமாறும், சந்தேக நபரை டி,என்,ஏ பரிசோதனைக்கு உட்படுத்துமாறும் சிறைச்சாலை அதிகாரிகளுக்கு நீதவான் உத்தரவிட்டார்.