நிபா தெற்றுக்கு 24 வயது கேரள வாலிபர் மரணம்

இந்தியாவின் கேரள மாநிலத்தில் உள்ள மலப்புரத்தைச் சேர்ந்த 24 வயது ஆடவர் நிபா கிருமித்தொற்றால் மாண்டதாகத் தெரிவிக்கப்பட்டுள்ளது.

ஞாயிற்றுக்கிழமை (செப் 15), புனேயில் உள்ள தேசிய நச்சு வியிரியியல் கழகம் இத்தகவலை உறுதிப்படுத்தியதாக கேரள மாநிலச் சுகாதாரத் துறை கூறியது.

மூளையில் வீக்கம் ஏற்பட்ட தற்கான அறிகுறிகளுடன் செப்டம்பர் 9ஆம் தேதி அந்த இளைஞர் மாண்டதாகக் கூறப்பட்டது.

முன்னதாக, கோழிக்கோடு அரசாங்க மருத்துவக் கல்லூரி மருத்துவமனையில் மேற்கொண்ட பரிசோதனையில் அவருக்கு நிபா கிருமித் தொற்று உறுதிசெய்யப்பட்டது. பின்னர் புனே ஆய்வகம் அதை உறுதிசெய்ததாக மாநிலச் சுகாதார அமைச்சர் வீணா ஜார்ஜ் கூறினார்.