கோ. சாரங்கபாணி விருது வழங்க கோரிக்கை

பெரியாரின் கருத்துகள் சார்ந்த சமூக மாற்றங்களை ஏற்படுத்திய தமிழவேள் கோ.சாரங்கபாணியின் பெயரில் அயலகத் தமிழர் தினத்தன்று விருது வழங்க தமிழ்நாடு அரசிடம் கோரிக்கை விடுத்துள்ளார் திராவிடர் கழகத் தலைவரும் பெரியார் மணியம்மை பல்கலைக்கழக வேந்தருமான முனைவர் கி. வீரமணி.

- ரவி சிங்காரம்

சிங்கப்பூர் பெரியார் சமூக சேவை மன்றத்தின் ஏற்பாட்டிலும் தேசிய நூலக வாரியத்தின் ஆதரவிலும் தேசிய நூலகத்தில் செப்டம்பர் 17ஆம் தேதி இரவு 7 மணி முதல் 9.30 மணி வரை நடைபெற்ற தந்தை பெரியாரின் 146ஆம் பிறந்தநாள் விழாவில் அவர் இவ்வாறு அறிவித்தார்.

“முதலமைச்சரிடமும் நாங்கள் இந்த வேண்டுகோளை முன்வைப்போம். தி.மு.க. நாடாளுமன்ற உறுப்பினர் எம்.எம்.அப்துல்லாவிடமும் இதை வலியுறுத்தினேன்.

“கோ.சாரங்கபாணியின் நூற்றாண்டு விழாவில் கலைஞர் பங்கேற்றார். அதனால், இந்த வேண்டுகோள் ஏற்றுக்கொள்ளப்படும் என நம்புகிறேன்,” என்றார் அவர். செப்டம்பர் 15ஆம் தேதி பெரியார், அண்ணா பிறந்தநாள்களையொட்டி நடந்த விழாவிற்காக தோக்கியோவிற்குப் பயணம் செய்திருந்த முனைவர் வீரமணி, இந்தியாவிற்குத் திரும்பும் பயணத்தினிடையே சிங்கப்பூரில் நடைபெற்ற இவ்விழாவில் பங்கேற்றுச் சிறப்புரையாற்றினார்.

"சிங்கப்பூர்த் தமிழ்ச் சமுதா யத்தில் உயர் வர்க்கத்துக்கும் ஏழைத் தொழிலாளர் வர்க்கத்துக் கும் இடையே பெரும் பொருளா தாரப் பிளவு இருந்தது. பல சாதியக் கட்டுப்பாடுகள் மலாயா விற்கும் சிங்கப்பூருக்கும் வந்தன.

அப்போது தந்தைப் பெரியார் ஒவ் வொரு தோட்டத் தொழிலாளியிட மும் சென்று, பள்ளிக்கூடங்கள் வைக்கச் சொன்னார்.