மீண்டும் மருத்துவர்கள் போராட்டம்

பணியிடத்தில் பாதுகாப்பு உள்ளிட்ட 10 அம்ச கோரிக்கைகளை நிறைவேற்ற வலியுறுத்தி மேற்கு வங்கத்தின் பயிற்சி இளநிலை மருத்துவர்கள் செவ்வாய்க்கிழமை (அக்டோபர் 1) காலை முதல் மீண்டும் 'முழு பணிப் புறக்கணிப்பு' போராட்டத்தை தொடர்ந்தனர்.

கோல்கத்தாவின் ஆர்.ஜி. கர் அரசு மருத்துவக் கல்லூரி மருத்துவமனையில் இரவுப் பணியில் இருந்த பெண் பயிற்சி மருத்துவர் ஒருவர் பாலியல் வன்கொடுமைக்கு ஆளாக்கப்பட்டு கொலை செய்யப்பட்டதைக் கண்டித்து மேற்கு வங்கத்தில் பயிற்சி இளநிலை மருத்துவர்கள் போராட்டம் நடத்திவருகின்றனர்.

அனைத்து மருத்துவ நிறுவனங்களில் தங்களின் பாதுகாப்பை உறுதி செய்ய வேண்டும் என்பன உள்ளிட்ட பல்வேறு கோரிக்கைகளையும் வலியுறுத்தி மம்தா பானர்ஜி அரசுக்கு அவர்கள் அழுத்தம் கொடுக்க முடிவு செய்துள்ளனர்.

பயிற்சி மருத்துவர்களின் எட்டு மணி நேர நீண்ட கூட்டத்திற்குப் பிறகு இம்முடிவு எடுக்கப்பட்டது.