பயங்கரவாத இயக்கத்துக்கு ஆள சேர்த்தவர் வீட்டில் என்ஐஏ சோதனை

பயங்கரவாத இயக்கத்துக்கு ஆள் சேர்ப்பு நடவடிக்கையில் ஈடுபட்டவரின் வீட்டில் தேசியப் புலனாய்வு முகமை அதிகாரிகள் மேற்கொண்ட சோதனை நடவடிக்கை பரபரப்பை ஏற்படுத்தியுள்ளது.

தடை செய்யப்பட்ட இயக்கத்துக்கு ஆதரவாக சமூக ஊடகங்கள் மூலம் பிரசாரம் செய்ததாகவும் தீவிரவாத இயக்கத்தில் இணையுமாறு இளையர்களை மூளைச்சலவை செய்ததாகவும் குற்றச்சாட்டுகளை எதிர்கொண்டுள்ளார் சென்னையைச் சேர்ந்த ஃபைசல் ஹூசைன்.

இவரைக் கடந்த இரு தினங்களுக்கு முன்னர்தான் என்ஐஏ அதிகாரிகள் கைது செய்திருந்தனர். இந்நிலையில் அவரது வீட்டில் வெள்ளிக்கிழமை என்ஐஏ அதிகாரிகள் திடீர் சோதனை மேற்கொண்டனர்.