வானுயரக் கனவு கண்டவர் இன்று வானில் வட்டமிடுகிறார்

சிறுவயதில் சிங்கப்பூர்க் குடியரசு ஆகாயப்படை விமானங்களின் சாகசங்களைப் பார்த்தவுடன் அவனிஷ் மலைத்துப்போனார்.

- இளவரசி ஸ்டீஃபன்‌

சிறகில்லாமல் விமானிகள் வானில் பறந்ததைப் பார்த்தவுடன் அவருக்குள் அன்று தோன்றிய ஆசையே, தொடர் முயற்சியால் சீரிய வடிவம் பெற்றது. தற்போது விமானம் செலுத்துவதற்கான தனியார் உரிமத்திற்குத் தகுதி பெற்றுள்ளார் தொடக்கக் கல்லூரி இரண்டாம் ஆண்டு மாணவரான அவனிஷ் ஆனந்த், 18.

“எட்டு வயதாக இருந்தபோது அப்பா விமானக் கண்காட்சிக்கு அழைத்துச் சென்றார். அப்போது வானில் போர்விமானங்கள் நிகழ்த்திய சாகசங்களைப் பார்த்தபோது வியப்பாக இருந்தது.

"அதுவே மீதான ஆர்வத்தை முதன்முதலில் என்னுள் விதைத்தது. அதுடன், விமானிகள் உலகின் பல்வேறு இடங்களுக்குச் சென்ற அனுபவங்களை விவரிக்கையில் எதிர்காலத்தில் இதை நான் செய்தாக வேண்டும் என்ற உறுதியை எனக்குள் ஏற்படுத்தியது," என்று கூறினார் அவனிஷ்.

"ஒரே இடத்தில் அமர்ந்து வேலை செய்யாமல், வானில் பறப்பதுதான் வேலை என்ற எண்ணம், என் உறுதியை மேலும் வலுப்படுத்தியது,” என்றார் அவர்.