வெளிநாட்டு ஊழியர்கள் பங்கேற்ற மெதுநடை நிகழ்வு

வேலையிட விபத்தில் நண்பரை இழந்து தவிப்பவர், குடும்பத்துக்கு மாதக் கடைசியில் பணம் அனுப்ப அன்றாடம் சிக்கனமாகச் செலவிடுபவர், குடும்பத்தாரை நேரில் காண முடியாமல் ஏக்கத்திலேயே நாள்களைக் கடத்துபவர் - இதுபோல, வெளிநாட்டு ஊழியர்கள் பலரும் வாழ்வில் வலியை உணர்ந்தவர்கள்.

எனினும், இப்பயணத்தில் அவர்களுக்குத் தோள்கொடுக்க அன்பு உள்ளங்கள் உள்ளன என்பதை உணர்த்த, மனிதவள அமைச்சின் ‘ஏஸ்’ எனப்படும் ‘உத்திரவாதம், அன்பு, சென்றடைதல்’ குழு (Assurance, Care and Engagement) அக்டோபர் 13ஆம் தேதி ஞாயிறு மாலை வெஸ்ட் கோஸ்ட் பூங்காவில் இரண்டு-கிலோமீட்டர் மெதுநடை நிகழ்வுக்கு ஏற்பாடு செய்தது.

இந்நிகழ்ச்சியில் ‘ஹெல்த்சர்வ்’ (HealthServe) அறநிறுவனம், என்டியுசி கிளப் (NTUC Club), ‘பே‌‌ஷன் டு சர்வ்’ (Passion To Serve), ‘24ஏ‌ஷியா’ (24asia), ‘பிக் அட் ஹார்ட்’ (Big At Heart) போன்ற அமைப்புகளும் பங்காளிகளாக இணைந்தன.

வெளிநாட்டு ஊழியர்கள், ‘ஹெல்த்சர்வ்’ தோழமை ஆதரவுத் தலைவர்கள், முதலாளிகள், தொண்டூழியர்கள், சிங்கப்பூர் தொழில்நுட்பப் பல்கலைக்கழக (எஸ்ஐடி) மாணவர்கள் உட்பட மொத்தம் 312 பேர் மெதுநடையில் பங்கேற்றனர்.

யோகாசனம், விளையாட்டுகள்மூலம் மனநலத்தைக் காக்கும் உத்திகள் வெளிநாட்டு ஊழியர்களுக்குக் கற்பிக்கப்பட்டன.  படங்கள்: ரவி சிங்காரம்

அதைத் தொடர்ந்து பெஞ்சுரு பொழுதுபோக்கு நிலையத்தில் விளையாட்டுச் சாவடிகளும் இடம்பெற்றன.

‘எஸ்ஐடி’யின் மாணவத் தொண்டூழியர்கள்