தசைநார், எலும்புநார், மூட்டுகள் வலுவாக...

உடல் எடையைக் குறைப்பதற்கும் மேம்பட்ட உடல்நலத்திற்கும் உடற்பயிற்சிகள் பல இருப்பினும் மூட்டு (joint), எலும்புகளைப் பிணைக்கும் எலும்புநார் (ligament), தசையை எலும்புடன் பிணைக்கும் தசைநார் (tendon) போன்ற உடல் உறுப்புகளுக்குத் தனிக் கவனம் தேவை. 

- கீர்த்திகா ரவீந்திரன்

தசைநார், எலும்புநார், மூட்டுகளை நலமாக வைத்திருக்க உடற்பயிற்சி அவசியம்.

வயது ஏற ஏற, உடல் தசைகளை எலும்புகளுடன் இணைக்கும் தசைநார் காலப்போக்கில் கடினமாகி, எளிதில் சேதமுறலாம். குறிப்பாக, முழங்கால், முழங்கை, குதிகால் தசைநார் (Achilles tendon) போன்றவற்றுக்கு நாளடைவில் அதிக பாதிப்பு ஏற்படலாம்.

தசைநார் காயங்களைத் தடுக்க மெதுவான எடையுடன் கூடிய உடற்பயிற்சிகளை மேற்கொள்ள வேண்டும்.

எடுத்துக்காட்டாக, அமர்ந்துகொண்டே கெண்டைக்காலை மெதுவாக உயர்த்தும் பயிற்சியை மேற்கொள்ளலாம். படிப்படியாக, கையில் ஓர் எடையை அல்லது ‘டம்பெல்’லைப் பிடித்துக்கொண்டே தசையை வலுவாக்கும் இப்பயிற்சியைத் தொடரலாம்.