இந்தியப் பொருளியல் ஈராண்டு காணாத சரிவு

இந்தியாவின் மொத்த உள்நாட்டு உற்பத்தி (ஜிடிபி) ஜூலை - செப்டம்பர் காலாண்டில் 5.4 விழுக்காடாகக் குறைந்து உள்ளது. ஏழு காலாண்டுகளில் இதுவே ஆகக் குறைவான வளர்ச்சி.

ஒரு நாட்டின் மொத்த உள்நாட்டு உற்பத்தி வளர்ச்சியே அந்நாட்டின் பொருளியல் வளர்ச்சி.

இதற்கு முன்னர், 2022 -23 நிதியாண்டின் மூன்றாவது காலாண்டில் (2022 அக்டோபர் - டிசம்பர்) நாட்டின் மொத்த உள்நாட்டு உற்பத்தி 4.3 விழுக்காடாக இருந்ததே குறைவான வளர்ச்சியாகத் தொடர்ந்தது.

கடந்த ஆண்டின் இதே ஜூலை - செப்டம்பர் காலாண்டில் மொத்த உள்நாட்டு உற்பத்தி 8.1 விழுக்காடு என்னும் சிறப்பான வளர்ச்சியில் இருந்து 2.7 விழுக்காடு சரிந்துள்ளது.

அதேபோல, இவ்வாண்டின் முதலாம் காலாண்டான ஏப்ரல்-ஜூனில் ஜிடிபி 6.7 விழுக்காடாக இருந்தது.