வன்முறை நடந்த சம்பலுக்குச் செல்ல முயன்ற ராகுல், பிரியங்கா காந்தி: தடுத்த காவல்துறை

உத்தரப்பிரதேசத்தின் சம்பல் நகரில் முகலாயர் கால பள்ளிவாசல் ஒன்று உள்ளது.

இந்து கோயிலை இடித்து விட்டு அங்கு பள்ளிவாசல் கட்டப்பட்டதாக தொடரப்பட்ட வழக்கில் ஆய்வு செய்ய நீதிமன்றம் உத்தரவிட்டிருந்தது.

கடந்த நவம்பர் 24ஆம் தேதி இந்தியத் தொல்லியல் துறை அதிகாரிகள் அங்கு ஆய்வு மேற்கொண்டனர்.

அப்போது அங்கு வன்முறை உண்டாகியது. தொடர்ந்து நடந்த கலவரத்தில் நால்வர் உயிரிழந்தனர். மேலும், 20க்கும் மேற்பட்ட காவல்துறை ஊழியர்கள் உட்பட பலர் காயமடைந்தனர்.

அப்பகுதிக்கு நுழைவதை டிசம்பர் 31ஆம் தேதி வரை தடையுத்தரவு பிறப்பிக்கப்பட்டுள்ளது.