நான்கு நேரடிப் பேருந்துச் சேவைகள் அறிமுகம்

புத்தாண்டில்‌ புதிய பாதை: வடகிழக்கு வட்டாரவாசிகளுக்கு மேம்பட்ட போக்குவரத்து வசதிகள்‌

அடுத்த ஆண்டில் வடகிழக்கு வட்டாரக் குடியிருப்பாளர்கள் மேம்பட்ட பயணச் சேவைகளை எதிர்பார்க்கலாம். 

மத்திய வர்த்தக வட்டாரத்திற்கான நான்கு நேரடிப் பேருந்துச் சேவைகள் 2025ல் அறிமுகம் செய்யப்படும் என்று போக்குவரத்து அமைச்சர் சீ ஹொங் டாட் தெரிவித்துள்ளார். 

675, 676, 677, 678 எனும் அந்த நான்கு பேருந்துச் சேவைகள் 2025 ஜனவரி 2ஆம் தேதி முதல் இயங்கத் தொடங்கும் என்று அமைச்சர் சீ கூறினார். 

இதன்படி, பேருந்துச் சேவை எண் 675, இயோ சூ காங் ரோடு - தெமாசெக் பொலிவார்ட் இடையேயும் மற்றொரு புதிய பேருந்துச் சேவை எண் 676 அப்பர் சிராங்கூன் ரோடு - தெமாசெக் பொலிவார்ட் இடையேயும் செல்லும் என்று நிலப் போக்குவரத்து ஆணைய செய்திக்குறிப்பு தெரிவித்தது.