வீடு புகுந்து கொள்ளை: வெளிநாட்டு ஆடவர்கள் இருவர்மீது குற்றச்சாட்டு

சிங்கப்பூரில் இந்த வாரம் தரை வீடுகளில் திருடியதாகச் சந்தேகிக்கப்படும் வெளிநாட்டவர் இருவரில் ஒருவர் குற்றத்தை ஒப்புக்கொள்ளவிருப்பதாக நீதிமன்றத்தில் கூறியிருக்கிறார்.

வீட்டுக்குள் அத்துமீறி நுழைந்து திருடியதாக ஃபெங் யுன்லொங், 38, ஸாங் யொங்சியாங், 52 ஆகியோர் மீது குற்றஞ்சாட்டப்பட்டது.

அவர்கள் டிசம்பர் 16ஆம் தேதி இரவு 9 மணிவாக்கில் ஹாலந்து பகுதியில், ‘கிரீன்லீஃப் வியூ’வில் உள்ள ஒரு வீட்டின் சன்னலைத் திறந்து அதனுள் நுழைந்ததாகக் கூறப்படுகிறது.

அந்த இருவரும் $8,800 மதிப்புள்ள ஒரு கைக்கடிகாரத்தையும், $150 மதிப்புள்ள மற்றொரு கைக்கடிகாரத்தையும் திருடியதாக குற்றப் பத்திரிகைகள் தெரிவித்தன.