అక్షరాలో యాపిల్ పాడ్ కాస్ట్ లు

పాడ్కాస్ట్లు ఎంత పాపులర్ అవుతున్నాయో చూస్తూనే ఉన్నాం.దీన్ని దృష్టిలో పెట్టుకునే యాపిల్ సంస్థ పాడ్కాస్ట్లను మరింత అందుబాటులోకి తేవటానికి, వాటిల్లోని అంశాలను, విషయాలను తేలికగా కనుక్కోవటానికి ఓ వినూత్న ఫీచర్ను ప్రవేశపెట్టింది

.దీని పేరు ట్రాన్స్ క్రిప్స్. పేరుకు తగ్గట్టుగానే ఇది మాటలను అక్షరాల రూపంలోకి మారుస్తుంది. యాపిల్ పాడ్కాస్ట్ యాప్ల ఒదిగిపోయే ఇది ప్రసార భాగాలను అక్షరాల్లోకి అనువదిస్తుంది.ఆయా పదాలు, పదబంధాలను సెర్చ్ చేసుకోవటానికీ వీలు కల్పిస్తుంది. టెక్స్ట్ మీద తాకితే అక్కడి నుండి పాడ్కాస్ట్ ప్లే అవుతుంది కూడా. ఎపిసోడ్ ప్లే అవుతున్నప్పుడు ప్రతిపదం కొట్టొచ్చినట్టు కనిపిస్తుంది. విషయాన్ని తేలికగా గ్రహించటానికి, యూజర్లను అనుసరించటానికి తోడ్పడుతుంది. ఇది కొత్త భాషలను నేర్చుకోవటానికీ ఉపయోగపడుతుంది.