'మహా'కుంబ్' లో జనగంగ

పౌరాణిక ప్రాముఖ్యత గల కుంభం సముద్ర మథనానంతరం లభించిన అమృత భాండం ప్రధానంగా జరిగిన విషయం.

- డా.దేవులపల్లి పద్మజ

పౌరాణిక ప్రాముఖ్యత గల కుంభం సముద్ర మథనానంతరం లభించిన అమృత భాండం ప్రధానంగా జరిగిన విషయం. ప్రతి పుష్కర కాలానికి ఒకసారి జరుపుకునే కుంభ మేళా మోక్షం కోసం, ఆధ్యాత్మిక అన్వేషణకు చిహ్నంగా హిందూ పురాణాలలో లోతైన ప్రాముఖ్యతను కలిగి ఉంది. ఈ గొప్ప పండుగ నాలుగు పవిత్ర ప్రదేశాల మధ్య తిరుగుతుంది, ఈ సంవత్స రం ప్రయాగ్ రాజ్ కుంభాన్ని నిర్వహిస్తోంది. అతి పెద్ద, అత్యంత ముఖ్యమైన హిందూ సమావేశంగా పరిగణించ బడుతుంది.

కుంభ మేళా

హిందువుల సంప్రదాయ పరమైన ఉత్సవం. సాధారణ కుంభ మేళా ప్రతి నాలుగు సంవత్సరాలకు ఒకసారి జరుగుతుంది. అర్ధ కుంభమేళా అనేది ప్రతి ఆరు సంవత్సరాలకు ఒకసారి హరిద్వార్ లేక ప్రయాగలలో జరుగుతుంది. పూర్ణ కుంభ మేళా అనేది ప్రతి పన్నెండు సంవత్సరాలకు ఒకసారి ప్రయాగ, హరిద్వార్, ఉజ్జయిని, నాసిక్లలో జరుగుతుంది. వేద జ్యోతిష్యం ప్రకారం బృహస్పతి ఒక రాశిలో ఒక ఏడాదిపాటు నివాసం ఉంటాడు. పన్నెండు రాశుల మీదుగా ప్రయాణించటానికి పన్నెండు సంవత్సరాలు పడుతుంది. అందుకే పన్నెండు సంవత్సరాలకు ఒకసారి పవిత్ర స్థలాలలో కుంభమేళా నిర్వ హించబడుతుంది. హిందూ గ్రంథాల ఆధారంగా భూలోకంలో ఒక ఏడాది దేవతలకు ఒక రోజుతో సమానం. దీని ప్రకారం సురులు, అసురుల మధ్య పన్నెండు సంవత్సరాల పాటు సమరం జరిగింది. ఆ కారణంగా పన్నెండు సంవత్సరాల కొకసారి భూలోకంలో ఈ మేళా జరుపుకుంటున్నాం.