అజ్ఞానం ఎంత అదృష్టమో!

'అడిగేవాడికి చెప్పేవాడు లోకువ" అన్నారు.'ప్రశ్నలు అడగడంలోని ఆనందం సౌలభ్యం, సమాధానాలు చెప్పడంలో వుండదు.

- డా॥ పులివర్తి కృష్ణమూర్తి

'అడిగేవాడికి చెప్పేవాడు లోకువ" అన్నారు.'ప్రశ్నలు అడగడంలోని ఆనందం సౌలభ్యం, సమాధానాలు చెప్పడంలో వుండదు.

ఎందుకంటే మొదటిది చాలా తేలిక.రెండవదే చాలా కష్టం. “నిజానికి తనకు ఏమీ తెలియదు అనుకోవడమే ఒక జ్ఞానం. అదే అసలైన జ్ఞానం" అన్నాడు.జనక మహారాజు.

ఎంత నిజం వుంది ఈ మాటలో.

అన్నీ నాకే తెలుసు.. అనుకోవడం ఒక భ్రమ. ఆలోచించి చూస్తే ఎవరైనా ఏదైనా అడిగారనుకోండి.. అయ్యో నాకు తెలియదే... అనడం ఒక పెద్ద రిలీఫ్.

కొందరంటారు..మనం వారి ప్రశ్నకు సమాధానం చెప్పామనుకోండి- వెంటనే మరో ఉప ప్రశ్న వేస్తారు. దానికి సమాధానం చెబితే వెంటనే మరోటి రెడీగా అడిగేస్తారు.

మనం చివరకు "ఏమోనండీ! మరీ..." అనేవరకూ వదిలితే ఒట్టు. చిన్నతనంలో మా నాన్న "నీ మొహం.. నీకేమీ తెలియదు" అంటూ తిట్టేవారు.

ఇక పెళ్లయ్యాక భార్య కూడా ఇలాగే అడిగిందనుకోండి.. వెంటనే సేఫ్గ నాకు తెలియదోయ్ అన్నారనుకోండి ఆవిడ ఇంతై అంతై ఉబ్బి తబ్బిబైపోతుంది.... తనకే అంతా తెలుసు అన్నట్లుగా.

జ్ఞానం పెరిగేకొద్దీ జీవితం ఒక పెద్ద కాంప్లికేటెడ్ వ్యవహారమే సుమా!