అందాల ఉద్యానవనాలు

ఆఫ్రికాలో అనేక జాతీయ ఉద్యానవనాలు, అభయా రణ్యాలు, జంతువులు స్వేచ్ఛగా తిరిగే సఫారీలు ఉన్నాయి.

- షేక్ అబ్దుల్ హకీం జాని

ఆఫ్రికాలో అనేక జాతీయ ఉద్యానవనాలు, అభయా రణ్యాలు, జంతువులు స్వేచ్ఛగా తిరిగే సఫారీలు ఉన్నాయి. ప్రపంచంలో ఎక్కడా కనిపించని అరుదైన వన్యప్రాణులు, క్రూరమృగాలను చూడటానికి ప్రతిరోజూ పర్యాటకులు ఇక్కడకు వస్తూ ఉంటారు. వాటిలో కొన్ని:

ఎతోషా నేషనల్ పార్క్

ఎతోషా వాయువ్య నమీబియాలో కునేనే ప్రాంతంలో ఒక జాతీయ ఉద్యానవనం. ఆఫ్రికాలోని అతిపెద్ద జాతీయ ఉద్యానవనాలలో ఒకటి. ఇది ఉత్తర నమీబియా, ఒవాంటోలాండ్లకు ప్రవేశ ద్వారంగా చెబుతుంటారు. ఎతోషా అంటే గొప్ప తెల్లని ప్రాంతం అని అర్థం. ఇక్కడ భారీగా ఉప్పు పాన్ లు కనిపిస్తాయి. ఈ ప్రాంతంలో మొక్కలు తక్కువగా పెరుగుతాయి. ఆఫ్రికాలోనే ఇది అతి పెద్ద ఉప్పు పాన్. ఇక్కడి ఉప్పునీటిలో రొయ్యలు అధికంగా కనిపిస్తాయి. నమీబియాకు ఉత్తరాన ఉన్న కువెలై-ఎతోషా బేసిన్లో ఇది భాగం. వర్షాకాలంలో ఇది నీటితో నిండిపోయి ఒక సరస్సులా కనిపిస్తుంది.నీరు అధికంగా ఉన్నప్పుడు పెలికాన్ పక్షులు కూడా వస్తాయి. వేసవిలో నీరు ఆవిరై ఉప్పునిల్వలు బయటపడి ఈ ప్రాంతమంతా శ్వేత వర్ణ ఉపరితలంతో కనిపిస్తుంది. ఇక్కడి ఉప్పు పాన్ 130 కి.మీ. పొడవు, 50 కి.మీ. వెడల్పు ఉంటుంది. నమీబియాలోనే అత్యధికంగా వన్యప్రాణులు నివసించే అభయారణ్యంగా పేరొందింది.విపరీతంగా పెరిగే గడ్డి కొన్ని వన్య ప్రాణులకు మేతగా ఉపయోగపడుతోంది.పలు రకాల జంతువులకు ఇది నిలయం.సింహాలు, ఏనుగులు, చిరుతలు, హైనాలు, జీబ్రాలు, సింగ్బాక్, ఈలాండ్ ఇత్యాది అనేక జంతువులు ఇక్కడ కనిపిస్తాయి. కొన్ని లక్షల సంవత్సరాల క్రితం ఇది ఒక సరస్సు అని శాస్త్రవేత్తలు చెబుతున్నారు. దీన్ని 190756 స్థాపించారు.