ഇന്ത്യൻ അസോസിയേഷൻ ഫോർ ദി കൾട്ടിവേഷൻ ഓഫ് സയൻസ്

ഉപരിപഠനം

- എൻ. കെ. ഗോവിന്ദൻ ഫോൺ : 9446304755

സർ. സി.വി. രാമൻ നോബൽ സമ്മാനത്തിന് അർഹമായ തന്റെ കണ്ടു പിടുത്തം നടത്തിയ സ്ഥാപനമാണ് കൊൽക്കത്തയിലുള്ള ഇന്ത്യൻ അസോസിയേഷൻ ഫോർ ദ കൾട്ടിവേഷൻ ഓഫ് സയൻസ്' (ഐ.എ.സി.എസ്.) അടിസ്ഥാനശാസ്ത്ര മേഖലകളിൽ ഗവേഷണം പ്രോത്സാഹിപ്പിക്കുന്നതിന് 1876 ൽ ഡോ. മഹേന്ദ്രലാൽ സിർക്കാർ ആണ് ഐ.എ.സി.എസ്. സ്ഥാപിച്ചത്. ഇന്ത്യയിലെ ഏറ്റവും പഴക്കമുള്ള ഗവേഷണ സ്ഥാപനമാണ് ഐ.എ.സി.എസ്. ഫാദർ ലാഫോണ്ട്, ജഗദീഷ് ചന്ദ്രബോസ്, അശുതോഷ് മുഖർജി, ചുനിലാൽ ബോസ്, പ്രേമതാനത് ബോസ് തുടങ്ങിയ പ്രഗത്ഭർ ഈ സ്ഥാപനത്തിലെ ആദ്യകാല അധ്യാപകരായിരുന്നു. പണ്ഡിറ്റ് ഈശ്വർ ചന്ദ്ര വിദ്യാസാഗർ, ഗുരുദാസ് ബാനർജി, രാജേന്ദ്ര മിത്ര, സുരേന്ദ്രനാഥ ബാനർജി എന്നിവർ ആദ്യകാലഘട്ടങ്ങളിലെ രക്ഷാധികാരികളും.