സൂക്ഷിച്ചാവാം ഷോപ്പിങ്

തട്ടിപ്പുകളിൽ വീഴാതെ ഓൺലൈൻ ഷോപ്പിങ് നടത്താം. ശ്രദ്ധിക്കേണ്ട കാര്യങ്ങൾ ഇവയാണ്

- ഗോവിന്ദ് ജെ. കെ യുട്യൂബർ, സാങ്കേതിക വിദഗ്ദ്ധൻ

ഇന്ന് ഉപ്പുതൊട്ട് കർപ്പൂരം വരെ ഓൺലൈനിലൂടെ വാങ്ങുന്ന ശീലം പലർക്കുമുണ്ട്. ഓഫറുകളും സമയലാഭവും നോക്കിയാണ് മിക്കവരും ഓൺലൈൻ ഷോപ്പിങ്ങിന് മുൻഗണന കൊടുക്കുന്നത്. ഓൺ ലൈൻ ഷോപ്പിങ് വ്യാപകമാകുന്നതിനൊപ്പം ഈ മേഖലയിലെ തട്ടിപ്പുകളും കൂടി വരികയാണ്.

ശ്രദ്ധയോടെ വാങ്ങാം..

സാധനം വാങ്ങുന്നതിന് മുൻപ് തന്നെ ആ ഓൺലൈൻ പ്ലാറ്റ്ഫോം വിശ്വാസയോഗ്യമാണെന്ന് ഉറപ്പു വരുത്തണം. ആമസോണിൽ പ്രൊഡക്റ്റ് പേജിൽ Amazon fulfilled എന്ന് വെരിഫൈ മാർക്ക് ഉണ്ടാകും. ഫ്ളിപ്കാർട്ടിൽ flipkart assured എന്ന വെരിഫിക്കേഷൻ ബാഡ്ജും കാണിക്കും. ആ ഉത്പന്നം ഇ-കൊമേഴ്സ് കമ്പനി പല തവണ വെരിഫൈ ചെയ്ത് കമ്പനിയിലൂടെ നേരിട്ട് വിൽക്കുന്നു എന്നാണ് വെരിഫിക്കേഷൻ ബാഡ്ജുകൾ സൂചിപ്പിക്കുന്നത്.

റേറ്റിങ്ങും റിവ്യൂവും..