വീട് നഷ്ടപ്പെടുന്ന സ്ത്രീകൾ...

സ്വന്തം വീട് സ്വത്തായി കൈമാറിക്കിട്ടിയ എത്ര സ്ത്രീകളുണ്ട്? ഇടം മാറി കെട്ടുന്ന പശുക്കളെപ്പോലെ ഭർതൃവീട്ടിൽനിന്ന് ജനിച്ച വീട്ടിലേക്കുള്ള ഇടനേര യാത്രയാണോ സ്ത്രീജീവിതം

- എം. സന്ധ്യ

പാമ്പുകൾക്ക് മാളവും പറവകൾക്ക് ആകാശവുമുള്ള ഭൂമിയിൽ യഥാർഥത്തിൽ അത്തരമൊന്നില്ലാത്തത് മനുഷ്യപുത്രന്മാർക്കല്ല, പുത്രിമാർക്കാണ്. സ്ത്രീകളുടെ ഗൃഹാതുരത കൂടുതലും വീടകങ്ങളിലാണ്. വൈകിയുണർന്നും വലിച്ചുവാരിത്തിന്നും സഹോദരങ്ങളോട് ഇണങ്ങിയും പിണങ്ങിയും വളർന്നയിടം.

 അവരുടെ മനസ്സിൽ എപ്പോഴും ഈ വീടോർമകളായിരിക്കും. കല്യാണം കഴിച്ചെത്തിയ വീട്ടിൽ എത്ര സ്നേഹം കിട്ടിയാലും സ്വയം മറ്റൊരാളാവാതെ ഒരു പെണ്ണിനും ജീവിക്കാനാവില്ല. എടുത്തണിഞ്ഞ മുഖം മൂടികളുടെ മുഷിഞ്ഞ മണം സ്വയം മടുപ്പിച്ചു തുടങ്ങുമ്പോൾ അവൾക്ക് വന്നണയാനുള്ള കൂടാണ് സ്വന്തം വീട്. കഴുത്തും മാറും മൂടുന്ന പൊന്നും പണവുമല്ല, സ്വന്തം കാലിൽ നിൽക്കുന്നതിനൊപ്പം തന്നെ മേലങ്കികളൊന്നുമില്ലാതെ അവരവരായി വന്നുകേറാനൊരു വീടാണ് സ്ത്രീകൾക്കാവശ്യം...

അവൾക്ക് വേണ്ടേ വീട്?