ഹെൽത്തിയാവാൻ റാഗി കഴിക്കാം

പ്രമേഹത്തെ മെരുക്കാൻ മികച്ചത്

- ശുഭശ്രീ പ്രശാന്ത് കൺസൽട്ടന്റ് ക്ലിനിക്കൽ ന്യൂട്രിഷനിസ്റ്റ് ആറ്റുകാൽദേവി ഹോസ്പിറ്റൽ തിരുവനന്തപുരം

എലൈസിൻ കൊറക്കാന എന്ന ശാസ്ത്രനാമത്തിൽ അറിയപ്പെടുന്ന റാഗി വളരെ വിശേഷപ്പെട്ട ധാന്യമാണ്. പക്ഷേ മലയാളികൾ പൊതുവെ റാഗിയെ അവഗണിക്കാറാണ് പതിവ്. എന്നാൽ ഇനിയത് വേണ്ട. അത്രയ്ക്കുണ്ട് റാഗിയുടെ ഗുണങ്ങൾ.

ധാതുക്കൾ, കാൽസ്യം, പൊട്ടാസ്യം എന്നിവയുടെ കലവറയാണ് ഈ ചെറുധാന്യം. അമിനോ ആസിഡുകൾ, ഐസോല്യൂസിൻ, മെഥിയോനൈൻ, ഫിനൈൽ അലനൈൻ തുടങ്ങിയവയുടെ സാന്നിധ്യവുമുണ്ട്.

ഇതിലടങ്ങിയ ജീവകം ഡി, എല്ലുകൾക്ക് കരുത്തുനൽകുന്നു. വളരുന്ന കുട്ടികളിൽ എല്ലുകളുടെ വളർച്ചയ്ക്കും മുതിർന്നവരിൽ എല്ലുകളുടെ ആരോഗ്യം നിലനിർത്തുന്നതിനും ഇത് സഹായിക്കുന്നു.

ധാരാളം ജൈവിക മൂല്യമുള്ള എലൂസിനിയൻ എന്ന പ്രോട്ടീനാണ് റാഗിയിലുള്ളത്. സസ്യാഹാരികൾക്കുള്ള മികച്ച പ്രോട്ടീനാണ് ഇത്.