લગ્ન સુખની ગેરન્ટી નથી

ક્યાંક એવું નથી ને કે લગ્નને લઈને સમાજમાં જે માન્યતાઓ છે, તે વાસ્તવિકતાની જમીન પર ખરી સાબિત થઈ રહી છે..

લંડન સ્કૂલ ઓફ ઈકોનોમિક્સના પ્રોફેસર (જે હેપીનેસ એક્સપર્ટ પણ છે) પાલ ડોલનના શબ્દોમાં, ‘‘લગ્ન પુરુષો માટે લાભદાયી છે, પરંતુ મહિલા માટે નહીં. તેથી મહિલાઓએ લગ્ન માટે પરેશાન ન થવું જોઈએ, કારણ કે તેઓ પતિ વિના વધારે ખુશ રહી શકે છે. તેમાં ખાસ કરીને મધ્ય ઉંમરની પરિણીત મહિલાઓમાં પોતાની સમવયસ્ક અપરિણીત મહિલાઓની સરખામણીમાં શારીરિક અને માનસિક સમસ્યા થવાનું વધારે જોખમ હોય છે, તેનાથી તેમનું મૃત્યુ જલદી થઈ શકે છે.”

પરિણીત મહિલાઓની સરખામણીમાં અપરિણીત મહિલાઓ વધારે ખુશ રહે છે. પરિણીત, કુંવારા, ડિવોર્સી, વિધવા અને અલગ રહેનારા લોકો પર કરવામાં આવેલા સર્વેના આધારે પાલ ડોલનનું કહેવું છે કે કુલ વસ્તીમાં જે ભાગ સૌથી વધારે સ્વસ્થ અને ખુશહાલ રહેતો હોય છે તે એવી મહિલાઓનો છે જેમણે ક્યારેય લગ્ન કર્યા નથી અને બાળકો નથી. તેમના જણાવ્યા અનુસાર જ્યારે પતિપત્ની એકસાથે હોય છે અને તેમને પૂછવામાં આવે કે તેઓ કેટલા ખુશ છે ત્યારે તેમનું કે કહેવું હોય છે કે તેઓ ખૂબ ખુશ છે, પરંતુ જ્યારે પતિ અથવા પત્ની એકસાથે નથી હોતા ત્યારે તેમને સ્વાભાવિક રીતે એમ કહેતા સાંભળી શકાય છે કે જિંદગી બરબાદ થઈ ગઈ છે.

જો કોઈ પણ જગ્યાએ લગ્નની વાત પર ચર્ચા થાય ત્યારે લગ્નની જરૂરિયાતના ઘણા બધા કારણો જણાવવામાં આવે છે જેમ કે નવી સૃષ્ટિની રચના, ભાવનાત્મક સુરક્ષા અને સામાજિક વ્યવસ્થા મહિલાના મા બનવાથી પૂરી થાય છે. મહિલા-પુરુષ આમ પણ એકબીજાના પૂરક છે, સમાજમાં અરાજકતા રોકવામાં સહાયક વગેરે. આ બધા કારણ લગ્નને માત્ર એક જરૂરિયાતનો દરજ્જો આપે છે, પરંતુ એ વાત કોઈ નથી કહેતું કે અમે લગ્ન અમારી ખુશી માટે કર્યા છે.

મોટાભાગના ઘરમાં છોકરીઓને બાળપણથી લગ્ન કરીને ખુશીખુશી ઘર વસાવવાના સપનાં બતાવવામાં આવે છે. દરેક વાત પછી તેમને સમજાવવામાં આવે છે કે લગ્ન પછી તે પોતાની ઈચ્છા મુજબનું કરી શકશે, લગ્ન પછી તેમને ખૂબ પ્રેમ મળશે તેમજ લગ્ન પછી તે પોતાના ઘરે જશે અવા લગ્ન પછી પણ અનેક છોકરીઓના સપના વાસ્તવમાં અરીસામાં બેરંગ દેખાતા હોય છે.

પોતાનું ઘર