બ્રાઈડલ સ્કિન કેરની સરળ ટિપ્સ

નવવધૂની સુંદરતા અને ફેસની સ્કિનને નિખારવા શું કરશો, તે વિશે તમે પણ જાણો...

- શોભા કટારે

એક નવોઢા પોતાના લુક માટે ખીલડાઘ મુક્ત સ્કિન અને ફેસ પર ચમક લાવવા માટે તેની સંભાળ રાખવાનું પસંદ કરે છે. જોકે બજારમાં નવવધૂ માટે ફેસની સારસંભાળ લેવા અનેક ફેસપેક ઉપલબ્ધ છે, પરંતુ એ વાત પણ જરૂરી છે કે આ સ્કિન કેર પેક અથવા ફેસ પેક ટ્રીટમેન્ટ સંપૂર્ણપણે કેમિકલ ફ્રી હોવી જોઈએ, જેથી તમારી સ્કિન અથવા ફેસને કોઈ નુકસાન ન થાય.

દિવસભરની દોડધામ અને અનિયમિત શિડ્યૂલના લીધે એક નવોઢા માટે સંપૂર્ણ સ્કિનને સુંદર રાખવી થોડી મુશ્કેલ જરૂર હોય છે અને વારંવાર બ્યૂટિપાર્લર જવું પણ શક્ય નથી હોતું, તેથી કેટલીક હોમ રેમેડીસ અને સ્કિનક્રાફ્ટ ટિપ્સ તમને ઉપયોગી બની શકે છે. તે નવોઢાની સ્કિન અને ફેસને ચમકદાર બનાવી શકે છે અને તેને ઘરે બનાવવું તેમજ ઉપયોગમાં લેવું પણ સરળ હોય છે.

જો નવોઢા ૧ અઠવાડિયું, મહિનો અથવા તેનાથી પણ ઓછા સમયમાં ફેસ પર ચમક મેળવવા ઈચ્છતી હોય તો નીચે જણાવેલો બ્રાઈડલ લેપ એક ઉત્તમ વિકલ્પ બની શકે છે :

બ્રાઈડલ લેપ

હળદરનો લેપ અને ચંદનનો લેપ. આમ પણ ભારતીય લગ્નમાં હળદરનું એક ખાસ સ્થાન રહ્યું છે અને પૂરા દિવસની વિધિ આ ચમકીલા રંગના મસાલાને સમર્પિત હોય છે, જે પોતાના એન્ટિબેક્ટેરિયલ ગુણો માટે ઓળખાય છે. સાથે તેને સૌંદર્યવર્ધક પણ માનવામાં આવે છે, તેથી નવવધૂ માટે હળદર અથવા સુંદર ફેસ માસ્ક ખૂબ લોકપ્રિય છે.

ફેસની ચમક અને ગુણવત્તાને ઉત્તમ બનાવવા માટે પાર્લર જવાથી વધારે સારું એ છે કે આપણી સ્કિનનો ઈલાજ આપણે કેટલાક કુદરતી ઘરેલુ નુસખાથી કરીએ અને તેના માટે લેપ એક ઉત્તમ વિકલ્પ છે.

નવોઢાની સુંદરતા અને ફેસની સ્કિનની ગુણવત્તા નિખારવા માટે લગ્નના ૧-૨ અઠવાડિયા પહેલાંથી લેપનો ઉપયોગ શરૂ કરી દો, કારણ કે તેમાં અનેક કુદરતી પૌષ્ટિક તત્ત્વો હોય છે જે સ્કિનને ગોરી, મુલાયમ, ચમકદાર અને સુંદર બનાવે છે તેમજ સ્કિનને ટાઈટ રાખે છે.

હળદરનો લેપ બનાવવાની સામગ્રી

૧ મોટી ચમચી હળદર પાઉડર, ૩ મોટી ચમચી વેસણ, ૨ મોટી ચમચી દહીં, ૨ મોટી ચમચી કાચુ દૂધ, ૨ ચમચી ગુલાબજળ.

કેવી રીતે બનાવશો