છુટાછેડા આપવા જ ઉકેલ નથી

કોલકાતા હાઈકોર્ટે એક ચુકાદામાં કહ્યું છે કે પુત્રની નૈતિક ફરજ છે કે તે પોતાનાં માતાપિતાનું ધ્યાન રાખે અને તેમને છત પ્રદાન કરે. જો યુવકની પત્ની માતાપિતાને પુત્રથી અલગ કરવા ઈચ્છે તો પતિ છૂટાછેડા માંગી શકે છે

પતિ અને પત્ની સંબંધ જોડે છે તો એકબીજાની સલામતી માટે, એકબીજાના સાથ, એકબીજાને સેક્સ અને બાળકોને સુખ આપવા માટે. લગ્ન હંમેશાં ૨ યુવાઓ વચ્ચે જ થાય છે. આ વ્યાવહારિક વાત છે કે તે ઉંમરમાં યુવક પાસે પોતાનું ઘર નથી હોતું તો તે માતાપિતા સાથે રહે છે અને યુવક જ નહીં તેની પત્ની પણ તેનાં માતાપિતાને માન, આદર અને સહકાર આપે છે.

શું લગ્નની શરતોમાં માતાપિતાની સેવા પણ સામેલ થવી જોઈએ? આજકાલ તો આ સેવા છોકરીનાં માતાપિતા પણ માંગવા લાગ્યા છે જો તે માતાપિતાની એકમાત્ર દીકરી છે. શું યુવકની ફરજ છે કે તે પત્નીનાં માતાપિતાની સેવા એ જ રીતે કરે જે રીતે પુત્રી લગ્ન પહેલાં કરતી આવી છે?