સમાચાર દર્શન

અસલી છે કે નકલી : એ આઈ હવે એવો શબ્દ બની ગયો છે જે રોજ સાંભળવા મળવાનો છે, કારણ કે દુનિયાભરની જાણકા૨ી તૈયાર માલની જેમ તમારી સામે રજૂ કરવાની ટેક્નોલોજી હવે દરેકની પાસે ઉપલબ્ધ થવા લાગી છે

અસલી છે કે નકલી : એ આઈ હવે એવો શબ્દ બની ગયો છે જે રોજ સાંભળવા મળવાનો છે, કારણ કે દુનિયાભરની જાણકા૨ી તૈયાર માલની જેમ તમારી સામે રજૂ કરવાની ટેક્નોલોજી હવે દરેકની પાસે ઉપલબ્ધ થવા લાગી છે. તેનો અર્થ એ નથી કે દરેક વ્યક્તિ ખૂબ હોશિયાર થઈ જશે. તેનો અર્થ એ પણ છે કે તમે કોઈ ફોન, ફોટો, વીડિયો, લેટર કે ઈમેલ પર વિશ્વાસ કરી ન શકો કે તે કેટલા અસલી છે કે નકલી. તમારા પ્રેમી બનીને કોઈ ફોન પર ફ્લર્ટિંગ કરી શકે છે અને ખૂબ જલદી તમારા રહસ્યો તમારી પાસેથી જાણીને તમને બ્લેકમેલ કરી શકે છે. વોલ્ફગુનબ્લડ નામની એક કંપનીએ એક કેરેક્ટર તૈયાર કર્યું છે, જે નવી ધૂનો બનાવી શકે છે. નવા ગીતો બનાવી શકે છે, નવું વાતાવરણ બનાવી શકે છે, પરંતુ બધું ચોરીનું. ઈટ કોઈની અને રોડા પણ કોઈના પરંતુ પરફેક્ટ એટલું કે બધા છેતરાઈ જાય.

હિંમત ન હારો : જો તમારા શરીરનો કોઈ એક ભાગ કામ ન કરી રહ્યો હોય તો પણ હિંમત ન હારતા. આ સ્થિતિમાં પણ તમે ફૂટબોલ અથવા સોકર જેવી રમત રમી શકો છો અને અહીં દર્શાવેલી આ ટીમ અમેરિકાની નેશનલ એમ્બ્યુટી ટૂર્નામેન્ટમાં ભાગ લેવા જઈ રહી છે. પોતાની ક્રેચેસની સાથે. આ જ હિંમતપૂર્વકનું કામ છે કે શરીર ગમે તેવું હોય તેનો ઉપયોગ સારામાં સારી રીતે કરવાનો છે.

આવો, મસ્તી કરીએ : હોળીની મજા આવતાજતા લોકો પર પાણી ફેંકવામાં છે અને આનંદી તથા મસ્તીખોર લોકો કોઈ ને કોઈ રીતે દરેક દેશમાં ઊજવતા હોય છે. અમેરિકાના ઘણા બધા શહેરમાં ૪ જુલાઈના રોજ એકબીજા પર પાણી ફેંકીને આ દિવસને ઊજવવામાં આવ્યો હતો.