వైట్ టీతో ఆరోగ్యం

మీకు టీ తాగే అలవాటు ఉంటే వైట్ టీ తప్పకుండా ప్రయత్నించండి. దాంతో మిమ్మల్ని మీరు తాజాగా ఉంచుకోవడంతో పాటు ఆరోగ్యంగా, యవ్వనం గానూ ఉంచుకోవచ్చు.

- - పారుల్ భట్నాగర్

మీకు టీ తాగే అలవాటు ఉంటే వైట్ టీ తప్పకుండా ప్రయత్నించండి. దాంతో మిమ్మల్ని మీరు తాజాగా ఉంచుకోవడంతో పాటు ఆరోగ్యంగా, యవ్వనం గానూ ఉంచుకోవచ్చు.

టీ తాగడం ఎవరికి మాత్రం ఇష్టం ఉండదు. చాలామందికి రోజు ప్రారంభం టీ తోనే మొదలవుతుంది. కొందరు అల్లంతో చేసిన మిల్క్ టీ తాగడం ఇష్టపడతారు. మరికొందరు గ్రీన్ టీ తాగడం ఇష్ట పడతారు. ఇంకొందరు లెమన్ టీని ఇష్టపడతారు. టీతో ఉదయం తాజాదనంతో మొదలవుతుంది. దీంతో మనం మన ఆరోగ్యాన్ని కూడా కాపాడుకో వచ్చు. కానీ మీరు వైట్ టీ గురించి ఎప్పుడైనా విన్నారా? ఒకవేళ వినకపోతే మీకు ఇతర టీల కంటే ఎక్కువ యాంటీ ఆక్సిడెంట్లు ఉన్న వైట్ టీ గురించి ఇక్కడ తెలియచేస్తున్నాం.

ఈ టీ కామిలియా ఆకుల నుంచి తయారవుతుంది. ఇది శరీరానికి ఎన్నో ప్రయోజనాలను అందిస్తుంది. మరి ఈ వైట్ టీ ఎందుకు ప్రయోజనకరమైనదో తెలుసుకుందాం రండి.

యాంటీ ఆక్సిడెంట్ల పవర్ హౌస్

వైట్ టీలో యాంటీ ఆక్సిడెంట్లు పుష్కలంగా ఉంటాయి. ఇవి ఫ్రీ రాడికల్స్ నుంచి శరీరాన్ని రక్షిస్తాయి. దీంతో మొత్తం ఆరోగ్యం మెరుగుపడుతుంది. ఎందుకంటే శరీరంలో ఫ్రీ రాడికల్స్ ఉండటం వల్ల అవయవాలు దెబ్బ తింటాయనే భయం ఏర్పడుతుంది. అయితే వైట్ టీలో ఉన్న పాలీఫెనాల్స్ శరీరంలో యాంటీ ఆక్సిడెంట్లుగా పని చేసి, ఫ్రీ రాడికల్స్ ప్రభావాన్ని తగ్గించి, మిమ్మల్ని ఆరోగ్యంగా ఉంచుతాయి.