బ్రెస్ట్ ఫీడింగ్తో లాభాలు

తల్లిపాలకు సంబంధించిన భ్రమలు తొలగించుకోడానికి ఈ విషయాలను తప్పక చదవండి.

- - మోనికా గుప్తా

తల్లిపాలకు సంబంధించిన భ్రమలు తొలగించుకోడానికి ఈ విషయాలను తప్పక చదవండి.

మాతృత్వం మహిళలకు అన్నింటికంటే ముఖ్యమైనది. కానీ బిడ్డ పుట్టిన తర్వాత చాలామంది మహిళలు మా శిశువుకి పాలు ఇవ్వడానికి భయపడతారు. తల్లి పాలు ఇస్తే తమ శరీర ఆకారం చెడిపోతుందని భావిస్తారు. కానీ ఇది కేవలం భ్రమ.

పాలివ్వటం తల్లికి, బిడ్డకి లాభదాయకమైనది. పాలు ఇస్తే తల్లికి శారీరక, మానసిక ఒత్తిడి నుంచి ఉపశమనం లభిస్తుంది.పిల్లల సరైన వికాసానికి తగినంత పోషణ అందుతుంది. ఇవి పిల్లల శరీర రోగనిరోధక శక్తిని పెంచుతాయి.

బిడ్డకు తల్లిపాలు ఎందుకు అవసరమో డాక్టర్ సుష్మ (గైనకాలజిస్టు)తో తెలుసుకుందాం.

బిడ్డకు తల్లిపాల ఆవశ్యకత

బిడ్డకు తల్లిపాలు చాలా ముఖ్యం. బ్రెస్ట్ ఫీడింగ్ లేదా తల్లిపాలు బిడ్డకు సురక్షితమైన, ఆరోగ్యకరమైన ఆహారం. పోషకాలు పుష్కలంగా ఉంటాయి. ఇన్ఫెక్షన్లు ఇతర వ్యాధుల నుంచి బిడ్డను రక్షిస్తాయి.

బిడ్డ పుట్టిన గంటలోపు తల్లి పాలు ఇవ్వాలి.ఆ తర్వాత మొదటి 6 నెలలు ప్రత్యేకంగా బిడ్డకు పాలు పట్టాలి. నెలలు నిండకుండా పుట్టిన పిల్లలకు అంటే ప్రీ మెచ్యూర్ బేబీలకు పాలు ఎంతో మేలు చేస్తాయి. బిడ్డ పుట్టిన తర్వాత తల్లి స్తనం నుంచి చిక్కని పసుపురంగు పదార్థం బయటికి వస్తుంది. దీనిని కొలోస్ట్రమ్ అంటారు.ఇది పిల్లలకు అవసరమైన పోషకాలు అందించి వారిలో వ్యాధులతో పోరాడే సామర్థ్యం పెంచు తుంది. పిల్లల శారీరక, మానసిక అభివృద్ధికి తోడ్పడుతుంది.

బిడ్డకు ఎందుకు లాభదాయకం

• తల్లిపాలు బిడ్డకు యాంటీ బాడీలుగా పని చేస్తాయి. బిడ్డ పుట్టిన ఆరు నెలల వరకు తల్లిపాలు చాలా అవసరం. పిల్లల్లో న్యుమోనియా, డయేరియా లాంటి వ్యాధుల బారిన పడకుండా చాలావరకు రక్షిస్తాయి.

• బిడ్డ పుట్టినది మొదలు రోజుల వరకు తల్లి స్తనాల నుంచి వెలువడే పసుపు రంగు పాలు (కొలోస్ట్రమ్)తో బిడ్డకు తాగించరు.మూఢ నమ్మకాల కారణంగా వీటిని చెడు పాలుగా భావిస్తారు. డాక్టర్ సుష్మ మాట్లాడుతూ కొలోస్ట్రమ్ పిల్లలకు ఎంతో లాభమని, ఇది ఇన్ఫెక్షన్ల నుంచి రక్షించే తత్వాలు కలిగి ఉందని చెప్పారు. ఇందులో విటమిన్ 'ఎ' పుష్కలంగా ఉంటుంది.

• తల్లిపాలు మంచి జీర్ణకారి. బిడ్డకు ఇవి సులభంగా జీర్ణమవుతాయి.

• పిల్లల మెదడు అభివృద్ధి చెందడంలో తల్లి పాలు ముఖ్యపాత్ర పోషిస్తాయి. వారిలో మేధో సామర్థ్యం పెరుగుతుంది.